ԱԳՆ խօսնակ. Իրաքեան Քուրդստանի վարչապետի գրասենեակի դէմ անօդաչուի յարձակումը խիստ կասկածելի է

ԱԳՆ ներկայացուցիչ Իսմայիլ Բաղային Իրաքեան Քուրդստանի վարչապետ Մասրուր Բարզանիի գրասենեակի դէմ անօդաչու թռչող սարքի յարձակումը խիստ կասկածելի զարգացում է համարել՝ ընդգծելով բոլոր կողմերի զգօնութեան անհրաժեշտութիւնը։

Բաղային օգոստոսի 17-ին, ԻՌՆԱ-ի հարցմանն ի պատասխան, դատապարտել է յարձակումը եւ նշել, որ այն պէտք է զգօնութեամբ ու մանրակրկիտ կերպով ուսումնասիրւի։

ԱԳՆ խօսնակը շեշտել է, որ Իրանը վճռական է պահպանելու եւ ամրապնդելու Իրաքեան Քուրդստանի հետ բարեկամական յարաբերութիւնները՝ փոխադարձ հետաքրքրութեան բոլոր ոլորտներում։

Նա միաժամանակ կարեւորել է բոլոր կողմերի ջանքերը՝ կանխելու Իրանի եւ Իրաքի թշնամիների՝ երկու ժողովուրդների եղբայրական յարաբերութիւններին վնաս հասցնելու նպատակով կազմակերպւող «չարամիտ դաւադրութիւնները»։

Բաղային, անդրադառնալով Իրաքի պաշտօնատարների, այդ թւում՝ երկրի ազգային անվտանգութեան խորհրդականի նախկին զգուշացումներին, նշել է, որ Իրաքում յայտնաբերւել են օտար կողմերի հետ կապւած խմբաւորումներ, որոնք ներգրաււած են եղել «կեղծ դրօշի» գործողութիւնների նախագծման եւ իրականացման մէջ։ Նա անհրաժեշտ է համարել այս առումով բոլոր կողմերի առաւել զգօնութիւնը։