Արման Թաթոյեան. «Պէտք է հաւատանք մեր ուժերին եւ թոյլ չտանք, որ մեր մէջ սերմանւի պայքարի անկարողութեան, անճարութեան կործանարար զգացումը»

ՀՀ նախկին ՄԻՊ Արման Թաթոյեանը գրել է.
«Այս (սեպտեմբերի 2) օրը խորհրդանշում է պայքարը մեր ժողովրդի անբաժան մասի՝ Արցախի բնիկ հայ ժողովրդի արժանապատւութեան, պաշտպանւած իրաւունքների ու անվտանգ կեանքի համար:

Չպէտք է մոռանանք նաեւ, որ Ադրբեջանը վարել եւ հիմա էլ շարունակում է հայատեաց ֆաշիստական քաղաքականութիւն թէ´ Արցախի, թէ´ Հայաստանի, էթնիկ հայկական ինքնութեան դէմ՝ բարձր հովանաւորութեամբ խրախուսւող ու անպատիժ յանցանքներով: Ես սա մշտապէս փաստերով եմ ապացուցել:

Արցախի ժողովրդին Ադրբեջանի իշխանութեան ներքոյ ապրել ստիպելը նոյնն է, ինչ հրեաներին ստիպել ապրել նացիստական ռեժիմի իշխանութեան ներքոյ: Դա կը նշանակի նոյն ցեղասպանութեան մատնել 120000 հայերի:

Պէտք է հաւատանք մեր ուժերին եւ թոյլ չտանք, որ մեր մէջ սերմանւի պայքարի անկարողութեան, անճարութեան կործանարար զգացումը։ Սա բոլոր ժամանակներում հնարաւոր է միայն այն դէպքում, երբ պետութիւնն ունի ղեկավար պաշտօնեաներ, որոնց համար պետականութեան ուժն ու անվտանգութիւնը սեփական իշխանութիւնից ու պաշտօնից, քաղաքական շահերից թանկ են»:

«Yerkir.am»