ՀՀ ԿԳՄՍ նախարարութիւնն առաջարկում է «Հայոց պատմութիւն» առարկայի անւանումը փոխել «Հայաստանի պատմութիւն» անւամբ

ՀՀ Կրթութեան, գիտութեան, մշակոյթի եւ սպորտի նախարարութիւնն առաջարկում է «Հայոց պատմութիւն» առարկայի անւանումը փոխել «Հայաստանի պատմութիւն» անւամբ։

Նման նախագիծ է շրջանառւել Իրաւական նախագծերի հրապարակման միասնական կայքում։

«33-րդ կէտի 6-րդ ենթակէտով սահմանւած է, որ «Հայրենագիտութիւն» եւ «Հասարակութիւն, հասարակական գիտութիւններ» բնագաւառների շրջանակում հանրակրթական ընդհանուր պետական ծրագրի 5-6-րդ դասարաններում ներկայացւում են Հայաստանի եւ հայ ժողովրդի պատմութիւնը, մշակոյթը եւ կրօնը, աշխարհագրութիւնը, հասարակական կեանքի ոլորտները, իսկ ՀՊՉ 35-րդ կէտում՝ որպէս պարտադիր առարկայ, ներկայացւած է «Հայոց պատմութիւն» առարկան։

«Հայոց պատմութիւն» առարկայի անւանումը փոխելով «Հայաստանի պատմութիւն» անւամբ` վերանում է ՀՊՉ-ի 33-րդ եւ 35-րդ կէտերի սահմանումներում առկայ անհամապատասխանութիւնը։ Արդիւնքում աւելի յստակ է դառնում առարկայի անւանումը, որի շրջանակներում ուսումնասիրւելու են հայկական պետականութեան եւ հայ ժողովրդի պատմութեան տարբեր ժամանակաշրջաններում տեղի ունեցած իրադարձութիւնները»,- նշւած է նախագծի հակիրճ բնութագրի մէջ։

Tert.am