Վարուժան Գեղամեան. «Սերդար Քըլըչի պատւիրակութիւնը ՀՀ-ին առաջարկել է Սիւնիքի մարզին տալ յատուկ կարգավիճակ՝ Կալինինգրադի նմանութեամբ»

Թուրքագէտ Վարուժան Գեղամեանը գրում է.

«Թուրքիայի մերձիշխանական «Türkiye Gazetesi» օրաթերթը հետաքրքիր մանրամասներ է հրապարակել Անթալիայի դիւանագիտական ֆորումի ժամանակ տեղի ունեցած հայ-թուրքական բանակցութիւններից։

Ըստ թերթի աղբիւրների՝ Սերդար Քըլըչի գլխաւորած թուրքական պատւիրակութիւնը ՀՀ ներկայացուցիչներին առաջարկել է Սիւնիքի մարզին (Զանգեզուրին) տալ յատուկ կարգավիճակ այնպիսի մոդելով, ինչպիսին որ ունի «Ռուսաստանին կապւած, բայց միաժամանակ ինքնավար մարզի կարգավիճակով հանդէս եկող Կալինինգրադը»։ Այն, որ Թուրքիա-Ադրբեջան զոյգի հիմնական թիրախն այժմ Սիւնիքն է, կասկածից վեր է, սակայն այս մանրամասներըը մեզ շատ համար կարեւոր են՝ հասկանալու թշնամու ներկայիս մարտավարութիւնը (այս մասին տե՛ս այս յօդւածում)։ Այս լուրի համատեքստում հասկանալի է դառնում «Արեւմտեան Զանգեզուրի» մասին թուրք-ադրբեջանական քարոզչութիւնը. առաջիկայում հաւանական է, որ ադրբեջանցիների բնակեցումը ապահովելուց յետոյ Սիւնիքը պոկելու համար առաջարկւի Սիւնիքի յատուկ կարգավիճակ՝ Թուրքիայի վերահսկողութեան ներքոյ։ Սա նման է Նախիջեւանի ճակատագրին։

Եւ եթէ թերթի տեղեկութիւնները ճիշտ են, ապա մենք այժմ գիտենք, թէ ինչ են բանակցում Էրդողանի հետ Հայաստանի դէ-ֆակտօ ներկայացուցիչները իրենց «մշտական կապի» ժամանակ»։

168.am