Վարդան Ոսկանեան. «Չի կարող ինչ-որ մէկը հանդէս գալ ՀՀ ինքնիշխանութեան դիրքից եւ աւելի ամրապնդել վտանգի աղբիւրը»
«ԱԼԻՔ» – Իրանագէտ Վարդան Ոսկանեանը սոցցանցերի իր հարթակներում գրառում է կատարել՝ ՀՀ գործող իշխանութիւնների տարբեր ներկայացուցիչների կողմից «ինքնիշխանութիւն» բառի շահարկամանը.
«Նրանք, որոնք պարբերաբար մաշեցնում են «ինքնիշխանութիւն» բառը, պէտք է նաեւ յստակ արձանագրեն, որ Հայաստանի ոչ միայն ինքնիշխանութեան, այլ նաեւ գոյութեան իսկ թիւ մէկ մշտական մարտահրաւէրը եւ վտանգը բխում է արհեստածին Ադրբեջանից։
Ըստ այդմ, եթէ ինչ-որ մէկն իրօք ձգտում է Հայաստանի ինքնիշխանութեանը կամ դրա ամրապնդմանը, ապա չի կարող չխօսել այս գոյութենական մարտահրաւէրի եւ վտանգի չէզոքացման կամ ոչնչացման մասին։
Չի կարող ինչ-որ մէկը հանդէս գալ Հայաստանի ինքնիշխանութեան դիրքերից եւ անել ամէն ինչ, որպէսզի այդ մարտահրաւէրի ու վտանգի աղբիւր քաղցկեղային գոյացութիւնն էլ աւելի ամրապնդւի եւ հզօրանայ։
Հետեւաբար, բանաձեւը բաւականին պարզ է՝ Հայաստսնի ինքնիշխանութեան եւ անկախութեան համար պայքարն առաջին հերթին ենթադրում է պայքար հէնց արհեստածին Ադրբեջանի դէմ, այլ ոչ թէ արհեստածին Ադրբեջանին յանձնւել»,- գրել է նա:
