Տիգրան Աբրահամեան. «Հայաստանի առաջ դրւած է ոչ թէ խաղաղութեան հասնելու, այլ ՌԴ-ին հեռացնելու փաստաթուղթ»

«ԱԼԻՔ» – «Հայաստան-Ադրբեջան յարաբերութիւններում ակնյայտօրէն կուլիսային գործընթացներ են ընթանում եւ պատահական չեն ինչպէս ԱՄՆ-ից իրականացւող այցերն ու հեռախօսազանգերը, այնպէս էլ` ՌԴ-ից հնչող արձագանգները»,- նման կարծիք է յայտնել ՀՀ ԱԺ «Պատիւ ունեմ» խմբակցութեան պատգամաւոր Տիգրան Աբրահամեանը։

Ըստ նրա՝ երբեմն կարող է տպաւորութիւն ստեղծւել, թէ ՀՀ-Ադրբեջան պրոցեսը կանգնած է կամ առանձնապէս ակտիւութիւն չկայ, սակայն խորքում, յատկապէս արտաքին միջամտութեամբ պայմանաւորւած, եռուզեռ է:

«Հայաստանի առաջ դրւած է ոչ թէ խաղաղութեան հասնելու, այլ՝ ՌԴ-ին հեռացնելու փաստաթուղթ, իսկ թէ ինչպիսին կը լինի այս պրոցեսի վերաբերեալ ՌԴ հետագայ քայլերը` միայն կարելի է կանխատեսել»,- գրել է Աբրահամեանը։