Հայաստան - ԱրցախՄիջազգային
Կարասին. «Արմէն Գրիգորեանի խօսքերը բացարձակ սուտ են»
«ԱԼԻՔ» – «Ռուսաստանը Ադրբեջանին չի «փոխանցել» Լեռնային Ղարաբաղը, Հայաստանի Անվտանգութեան խորհրդի քարտուղար Արմէն Գրիգորեանի խօսքերն այդ մասին բացարձակ սուտ են»: Այս մասին ռուսական «ՌԻԱ Նովոստի»-ին յայտնել է ՌԴ Դաշնութեան խորհրդի միջազգային գործերի կոմիտէի ղեկավար Գրիգորի Կարասինը։
«Պէտք է անդրադառնալ հայ քաղաքական գործիչների ձայնագրութիւններին եւ ելոյթներին, ներառեալ բարձրագոյն ղեկավարութեան։ Այնտեղ այդ հարցերի պատասխաններն արդէն կան։ Այդ գրառումները յայտնի են, թող կարդայ»,- ասել է Կարասինը։
Յիշեցնենք, որ Արմէն Գրիգորեանը յունիսի 26-ին լրագրողների հետ զրոյցում ասել է. «Դա տեղի ունեցաւ, երբ մենք ամբողջովին կախւած էինք Ռուսաստանից։ Ռուսաստանը եկաւ, մեզնից խլեց Լեռնային Ղարաբաղը, վերադարձրեց Ադրբեջանին, յետոյ հեռացաւ, ահա եւ ողջ իրականութիւնը»։
