«Յանուն հայրենիքի յարատեւման» գրական մրցանակաբաշխութիւնը՝ ՀՀ Գրողների միութիւնում
Երկրորդ տարին է, որ ՀՀ Գրողների միութիւնն ու «Մեծն Ներսէս» բարեսիրական կազմակերպութիւնը անցկացնում են ամենամեայ գրական մրցանակաբաշխութիւն։ Այս տարի այն կրում էր «Յանուն հայրենիքի յարատեւման» խորագիրը՝ նպատակ ունենալով օժանդակելու հայ գրողին ու խթանելու ժամանակակից հայ գրականութեան բնականոն ընթացքը։
Յունիսի 25-ին Գրողների միութիւնում տեղի ունեցաւ մրցանակաբաշխութիւնը։ Ստեղծագործութիւնները երեք ժանրերում էին՝ արձակ, պոէզիա եւ մանկապատանեկան-հեքիաթ, պատմւածք կամ բանաստեղծական շարք։ Ժուրին գնահատել է ընդհանուր առմամբ 30 ստեղծագործութիւն, որոնք մրցոյթին ներկայացւել էին անանուն ու գրանցւել միայն ծածկագրերով։
«Արձակ» անւանակարգի առաջին մրցանակակիրը Ֆելիքս Բախչինեանն էր, «Պոէզիա» անւանակարգինը՝ Հերմինէ Աւագեանը, իսկ ժուրիի որոշմամբ «Մանկապատանեկան» անւանակարգում առաջին մրցանակ չի շնորհւել։
