Հայաստան - Արցախ
Ադրբեջանը ոչնչացրել է Ստեփանակերտի հերոսների պանթէոնը
«ԱԼԻՔ» – 2023 թւականին՝ արցախահայերի բռնի տեղահանումից յետոյ, ադրբեջանական ագրեսիան ուղղւեց Ստեփանակերտի հայկական ժառանգութեան ու հետքի ոչնչացմանը։ Ադրբեջանական տելեգրամյան ալիքներում տարածւած լուսանկարներից երեւում է, որ ոչնչացւել է նաեւ Ստեփանակերտի զոհւած ազատամարտիկների պանթէոնը։ Յայտնում են «Գեղարդ» հիմնադրամից:
«Սա առաջին դէպքը չէ, երբ Ադրբեջանը թիրախաւորւած պղծում եւ ոչնչացնում է Արցախի եղբայրական գերեզմանոցներն ու արցախեան հերոսամարտի զոհերի յիշատակին նւիրւած յուշահամալիրները»,- ասւում է հիմնադրամի հաղորդագրութիւնում։
