Նովելլայի միջոցով ես սիրահարւեցի ադրբեջանցի ժողովրդին

Աւետիք Իշխանեանը գրառում է կատարել՝ անդրադառնալով Արտակ Կիրակոսեանի յայտնած մտքերին։

«Երէկ իմ կողմից տարածւած յայտարարութեան առիթ հանդիսացաւ, աշխարհահռչակ իրաւապաշտպան, «Քաղաքացիական հասարակութիւն» ՀԿ-ի նախագահ Արտակ Իոաննիսեանի, ներեցէք՝ Կիրակոսեանի կողմից կատարւած գրառումը, որով նա, իբր դէմ է իմ դէմ առաջադրւած մեղադրանքին։

Գրառման մէջ, նա նշում է. «Դատապարտում եմ Աւետիք Իշխանեանի անզուսպ ու, իմ կարծիքով, անպատասխանատու գրառումը»։

Սրանից յետոյ, նոր ձեւեր է թափում՝ դադարեցնել քրէական հետապնդումը։ Արտակին զգուշացրեցի հեռացնել գրառումը, բայց նա յամառեց։ Ստիպւած եմ բացայայտել այդ «սկզբունքային» հումանիստի իրական դէմքը։ Նա իր ղեկավարած կազմակերպութեամբ տարիներով զբաղւել է հայ-ադրբեջանական հաշտեցմանը նւիրւած սեմինար-քննարկումներով։ Նման մէկ հանդիպման ես էլ էի հրաւիրւած։ Արտակն իր ողջ մարմնով եւ հոգով քծնում էր ադրբեջանցի իր գործընկերներին։ Այսինքն, հայ-ադրբեջանական բարեկամութեան անւան տակ, Արտակը փող էր վաստակում, ինչպէս Գէորգի Վանեանը, Ստեփան Գրիգորեանը եւ ուրիշներ։ Իսկ մէկ անգամ Թբիլիսիում, ՄԱԿ-ի կազմակերպած մի միջոցառման աւարտին, Արտակը դիմելով մի ադրբեջանուհու, քծնողական ժպիտով ասաց.

-Դուք ճանաչո՞ւմ էք Նովելլային։

Նովելլան ճանաչւած Ադրբեջանի քաղհասարակութեան ներկայացուցիչ է եւ ինչպէս միւսները՝ վերահսկւող Ադրբեջանի գաղտնի ծառայութիւնների կողմից։ Նովելլան յայտնի է նաեւ, որպէս հայատեաց գործիչ։ Նա եղել է ադրբեջանի բանակի ոգին բարձրացնող քարոզիչներից։

Ադրբեջանցի կինը պատասխանեց.

-Իհարկէ ճանաչում եմ Նովելլային։

Հետեւեց Արտակի լացակումած խօսքը.

-Խնդրում եմ, իմ ջերմ ողջոյնները հաղորդել Նովելլային։ Նովելլայի միջոցով, ես սիրահարւեցի ադրբեջանցի ժողովրդին։

Ահա սրանց նմաններն են այսօրւայ դաւաճանների յենարանը։

Յ.Գ. Հեռացնում եմ ադրբեջանի ժողովրդին սիրահարւած Արտակի գրառումը»։

«Oragir.news»