Լոս Անջելէսի շրջանի անտառային հրդեհների ժամանակ 13 մարդ է անհետ կորել

«ԱԼԻՔ» – Այս պահին Լոս Անջելէսի գաւառում 13 անհետ կորած կայ, քանի որ տարածքում հրդեհներ են մոլեգնում, ասել է Լոս Անջելէսի շրջանի շերիֆ Ռոբերտ Լունան,- յայտնում է NBC News-ը։

News.am-ի համաձայն՝ ներկայումս պարզ չէ, թէ արդեօք անյայտ կորածների մասին բոլոր հաղորդումները կապւած են հրդեհների հետ, ասել է Լունան՝ յաւելելով, որ 40 հոգանոց որոնողափրկարարական խումբը կը փնտրի անհետ կորածներին եւ մնացորդներին այսօր առաւօտեան:

«Անվտանգութեան նկատառումներից ելնելով, մենք չենք կարող անվտանգ հետախուզել տուժած տարածքները գիշերը, այնպէս որ դա տեղի կունենայ միայն ցերեկային լոյսի ներքոյ»,- ասաց Լունան:

Յիշեցնենք, որ վերջին տւեալներով Լոս Անջելէսի հրդեհների զոհերի թիւը կազմում է առնւազն 11 մարդ։