ԱԳ նախարարը շնորհաւորել է Արդարադատութեան Միջազգային դատարանում Հարաւային Աֆրիկայի յաջողութիւնը
«ԱԼԻՔ» – Շնորհաւորելով Արդարադատութեան Միջազգային դատարանում Հարաւային Աֆրիկայի դիւանագիտական յաջողութիւնը, ԱԳ նախարար Հոսէյն Ամիր Աբդօլլահեանն աշխարհի իր գործընկերներին կոչ է արել զօրակցել Հարաւային Աֆրիկայի գործողութեանը:
«Շնորհաւորում եմ Հարաւային Աֆրիկայի կառավարութեանը եւ ժողովրդին, Պաղեստինի ժողովրդին, ինչպէս նաեւ այդ երկրի արտաքին գործերի նախարար տիկ. Նալդի Պանդորին՝ Արդարադատութեան Միջազգային դատարանում սիոնիստական ռեժիմի դէմ ներկայացւած բողոքի յաջողութեան կապակցութեամբ:
Եւս մէկ անգամ շեշտում եմ Իրանի Իսլամական Հանրապետութեան զօրակցութիւնը Հարաւաֆրիկեան Հանրապետութեան նախաձեռնութեանը:
Այսօր իսրայէլական կեղծ ռեժիմի պաշտօնեաները աշխարհի հանրային կարծիքի մօտ ամենամատչելի անձինք են, ովքեր պէտք է անյապաղ պատասխանատւութեան ենթարկւեն պաղեստինցիների դէմ ցեղասպանութիւն իրականացնելու, եւ աննախադէպ ռազմական յանցագործութիւնների համար:
Պէտք է ընդգծեմ, որ Սպիտակ տան համակողմանի աջակցութիւնը սիոնիստների յանցագործութիւններին երբեք չի մոռացւի, եւ միջազգային հանրութեան ուշադրութեան ու հետեւողականութեան առարկայ է:
Աշխարհի իմ բոլոր գործընկերներին կոչ եմ ուղղում զօրակցել Արդարադատութեան Միջազգային դատարանում Հարաւային Աֆրիկայի գործողութեանը»,- X-ի իր միկրոբլոգում գրել է նա:
