Ամիր Աբդօլլահեանը հեռախօսազրոյց է ունեցել Բորէլի հետ

Երէկ՝ մարտի 25-ին, ԱԳ Նախարար Հոսէյն Ամիր Աբդօլլահեանը հեռախօսազրոյց է ունեցել Եւրոմիութեան արտաքին գործերի եւ անվտանգութեան քաղաքականութեան հարցերով բարձր ներկայացուցիչ Ժոզէֆ Բորէլի հետ:

Զրուցակիցները քննարկել են տարածաշրջանային եւ միջազգային կարեւոր հարցերի լայն շրջանակ, մասնաւորապէս, Իրանի եւ Եւրոմիութեան միջեւ յարաբերութիւնների վերջին զարգացումները: Ընդգծելով, երկխօսութեան շարունակման կարեւորութիւնը եւ պատժամիջոցների չեղարկման նպատակով համատեղ ջանքերի գործադրման կարեւորութիւնը: Հաղորդում է ԱԳ Նախարարութիւնը:

Քննարկելով Գազայի իրավիճակը եւ ցնցող տեղեկութիւնները Շաֆա հիւանդանոցում պաղեստինցիների Ցեղասպանութեան, անմեղ կանանց ու երեխաների նկատմամբ իրականացւող յանցագործութիւնները, ԱԳ Նախարար Ամիր Աբդօլլահեանը նկատել է, որ ցաւօք, Նեթանեահուն, Գազան, եւ նոյնիսկ ԱՄՆ-ի ազգային շահերն է յաջողել ծառայեցնել յանուն իր սեփական անձնական շահերի:

Ըստ նրա՝ Գազայի ժողովրդի նկատմամբ իսրայէլական ռեժիմի կողմից ստեղծւած պայմանները, բնակչութեանը՝ սովի մէջ պահելը, Գազայի հումանիտար իրավիճակը վերածել է, որպէս՝ «դարի իրական ճգնաժամի»։

ԱԳ Նախարարը բարձր է գնահատել Բրիւսէլի դիրքորոշումը պատերազմը դադարեցնելու եւ Գազային անյապաղ մարդասիրական օգնութիւն տրամադրելու անհրաժեշտութեան մասին, յիշեցնել է միջազգային հանրութեան եւ Եւրոմիութեան պատասխանատւութիւնը Պաղեստինի հարցում: Շեշտելով, որ եկել է ժամանակը, որպէսզի պատժամիջոցներ ձեռնարկւի Իսրայէլի ռեժիմի դէմ:

ԱԳ նախարարը նշել է. «Հարկաւոր է ստեղծել միջազգային հետազօտական ​այնպիսի ​խումբ, որը կուսումնասիրի այդ ռեժիմի յանցագործութիւնները, ներառեալ Գազայի հիւանդանոցում կատարւած յանցագործութեան հանգամանքները»:

Բարձր գնահատելով ժոզէֆ Բորէլի դիւանագիտական ջանքերը, Գազայի ճգնաժամը դադարեցնելու ուղղութեամբ, Նախարարը քննադատել է Արեւմուտքի երկակի եւ հակասական ստանդարտների քաղաքականութիւնը Պաղեստինի եւ Ուկրաինայի հարցերի առնչութեամբ, եւ, որպէս հակասական այդ մօտեցման օրինակ, նշել է ԱՄՆ-ի եւ որոշ եւրոպական երկրների կողմից Սիոնիստական ​​ռեժիմին զէնք տրամադրելու իրողութիւնը:

«Իրանի Իսլամական Հանրապետութիւնը ի սկզբանէ յստակ դիրքորոշում է ունեցել տարածաշրջանային խնդիրների վերաբերեալ, մենք յստակ յայտնել ենք, որ պատերազմը խնդիրների լուծման միջոց չէ»,- շեշտել է նա:

ԱԳ Նախարարն անդրադառնալով ուկրաինական պատերազմում իրանական զէնքերի մատակարարման մասին կրկնւող կեղծ պնդումներին, դրանք որակել է, որպէս «ձանձրալի ու անհիմն պատմութիւններ ու պնդումներ»:

Նախարար Ամիր Աբդօլլահեանն եւս մէկ անգամ շեշտել է Իրանի հաստատակամութիւնը կառուցողական համագործակցութիւն ծաւալելու Ատոմային էներգիայի միջազգային գործակալութեան հետ, եւ, փոխադարձաբար, լրջօրէն ակնկալել է, որպէսզի արեւմտեան կողմերը կատարեն իրենց պարտաւորութիւնները միջուկային բանակցութիւնների հարցում, լիովին հաւատարիմ մնալով պատժամիջոցների վերացման օրակարգին:

Բորէլն էլ իր հերթին յայտարարել է, որ միջուկային բանակցութիւնների արդիւնաւորումը Եւրոմիութեան առաջնահերթութիւններից է, ընդգծելով, միջուկային բանակցութիւններին հետամուտ լինելու կարեւորութիւնը, ինչպէս նաեւ պատժամիջոցների վերացման անհրաժեշտութիւնը։

Ինչ վերաբերում է Պաղեստինի հարցին, ապա, նա նշել է, որ Եւրոմիութեան ծրագիրը շարունակելու է լինել մարդասիրական օգնութիւն տրամադրումը Գազային եւ աջակցութիւնը ՄԱԿ-ի գլխաւոր քարտուղարութեան ջանքերին հասնելու մշտական ​​հրադադարի հաստատմանը:

Անդրադառնալով տարածաշրջանում Իրանի կարեւոր դերակատարութեանը՝ ԵՄ արտաքին քաղաքականութեան ղեկավարը կոչ է արել շարունակել ջանքերը տարածաշրջանում լարւածութիւնը նւազեցնելու ուղղութեամբ։