Ճշմարտութիւնը՝ կեղծիքի թիրախում

Երբ արհեստական բանականութիւնը կեղծում է իրականութիւնը, վտանգւում է նաեւ հանրային վստահութիւնը։

Արհեստական բանականութեան ստեղծած կեղծ պատկերներն ու ձայները՝ «Deepfake»-երը, այլեւս սոսկ տեխնոլոգիական հնարք չեն․ դրանք կարող են վերածւել խաբէութեան, վարկաբեկման եւ հանրային գիտակցութիւնը մանիպուլացնելու գործիքի։

Երբ տեսածն ու լսածն այլեւս ճշմարտութեան երաշխիք չեն, վտանգւում է հասարակութեան վստահութիւնը, իսկ կեղծիքի առատութիւնը կարող է իրական փաստերն անգամ կասկածի տակ դնել։

Այս պայմաններում տեղեկատւական զգօնութիւնը դառնում է ինքնապաշտպանութիւն։ Մինչեւ հաւատալը կամ տարածելը՝ անհրաժեշտ է ստուգել աղբիւրը, համադրել փաստերը եւ չտրւել յուզական ազդակներին։

Ազգային եւ հասարակական գիտակցութիւնը պաշտպանելու համար ճշմարտութեան հանդէպ պատասխանատւութիւնն այսօր նոյնքան կարեւոր է, որքան կեղծիքի բացայայտումը։