Հինգշաբթի եւ ուրբաթ, ապրիլի 4 եւ 5-ին, Սպահանի հայոց թեմի առաջնորդ Տ. Սիփան արք. Քէչէճեանը հովւական այցելութիւն կատարեց Շիրազ: Թեմակալ առաջնորդին նշւած այցելութեան ընթացքում ընկերակցում էին՝ Տ. Մեսրոպ Աւ. քհնյ. Գալստանեանը, Տ. Վարդան քհնյ. Աղաբաբայեանը, սարկաւագները եւ Ս. Ամենափրկիչ վանքի «Կոմիտաս» երգչախմբից կազմւած երգեցիկ խումբը:
Նշւած ժամանակաշրջանում, նախ հինգշաբթի երեկոյեան Թեմակալ առաջնորդը մտերմիկ հանդիպում ունեցաւ տեղի հայ համայնքի հետ, ապա ուրբաթ հայոց ազգային գերեզմանատանը կատարեց հոգեհանգստեան պաշտօն:
Սրբազան Հօր ձեռամբ նաեւ սուրբ եւ անմահ պատարագ մատուցւեց քաղաքի «Ս. Աստւածածին» եկեղեցում:
Թղթակից (Նոր Ջուղա)
