Համայնք

Բաց նամակ

Բաց նամակ «ԱԼԻՔ» օրաթերթի յարգարժան խմբագրին,

Ընթացիկ դարի զարմանահրաշ երեւոյթներից է զանգւածային լրատւական միջոցների տարածումը եւ նրանց յոյժ ազդեցութիւնը զանազան խաւերի առօրեայում։ Ասւում է թէ այն իշխանութիւն նւաճելու եւ հաստատ պահելու սիւն է՝ նեցուկ։

Հետեւապէս անհրաժեշտ է իւրաքանչիւր կուսակցութիւն, հաստատութիւն, ընկերութիւն մինչեւ իսկ անհատ առանց այլեւայլի օգտագործի  վերոյիշեալ հնարաւոր լրատւական միջոցները հասնելու համար իր մարտավարական ու ռազմավարական նպատակներին։ Օրինակ կազմակերպել բանաւոր հարցազրոյցներ եւ ելոյթներ սոցիալական ցանցերում, հրատարակել պատկերազարդ ամսաթերթեր, տարեգրքեր, նշել, տօնել դահլիճներում հերթական առիթներ, կազմակերպել դասախօսութիւններ, գեղարւեստական, մարզական ծրագրեր, ունենալ ցուցահանդէսներ, տօնավաճառներ եւ այլ միջոցառումներ։ Անդադար լինել բնակչութեան մտազբաղումների դրական, ցանկալի սիւժէ։

Այդ ընդարձակ գործունէութեան համար անտարակոյս հարկաւոր են աւելի մեծ թւով մասնագէտներ, աշխատողներ, հոգ չէ դրանք ինքնըստինքեան կդաստիարակւեն աշխոյժ աշխատանքի ընթացքում։

Մաղթում եմ առաւել յաջողութիւններ Ձեր ազգանւէր գործում։

Յարգանօք՝ Ժորա Համբարչեան

Յարգելի պրն. Համբարչեան,

Շնորհակալ ենք Ձեր ուշադրութեան, ինչպէս նաեւ առաջարկների համար:

Ամբողջովին կիսելով Ձեր առաջարկները, հարկ ենք համարում նշել, որ «ԱԼԻՔ»-ը եւս ունի նպատակ, նման նախագծեր իրականացնելու համար, որոնց համար անհրաժեշտ են նախապատրաստական աշխատանքներ եւ ֆինանսներ:

Մենք աշխատում ենք այդ ուղղութեամբ, եւ յուսով ենք, որ ոչ հեռու ապագայում հնարաւորութիւն կունենանք իրագործել դրանք:

ԽՄԲ.

Առնչւող Յօդւածներ

Back to top button