Այսու մեր սիրելի համայնքին տեղեկացնում ենք, որ երեքշաբթի՝ մարտի 4-ին, ատենապետութեամբ՝ Վարուժ Յովհաննիսեանի եւ ներկայութեամբ՝ Թեմական խորհրդի անդամ եւ յանձնախմբի հետ կապ՝ Հարմիկ Աւետեանի գումարւեց Թեմական խորհրդի կողմից կեանքի կոչւած «Արտակ Մանուկեան» ազգային թանգարանի յանձնախմբի Անդրանիկ նիստը, ազգային առաջնորդարանի դահլիճում:
Հանդիպման ընթացքում յանձնախմբի դիւանն ընտրւեց ըստ հետեւեալի՝
Ռաֆիկ Մելիքսէթեան` Ատենապետ
Գրիգոր Ղազարեան` Փոխատնապետ
Իռէն Աբնուսեան` Ատենադպիր
Իզաբելլա Գոջամանեան` Նիւթականի պատասխանատու
Հայնուշ Աւետեան` Խորհրդատու
Նշելի է, որ սոյն յանձնախմբի հիմնական աշխատանքը կենտրոնացած է լինելու «Արտակ Մանուկեան» ազգային թանգարանի տարածքի ընդլայնման, իրանահայ եւ յատկապէս թեհրանահայ համայնքը աւելի ծանօթացնելու նպատակով պարսիկ հայրենակիցների այցելութիւնների ակտիւացման եւ թանգարանի աշխատանքների բարեկարգման ուղղութեամբ՝ նպատակադրւելով, որ սոյն մթնոլորտը նորարարութիւնների խթան է հանդիսանալու ի նպաստ հայկական մշակոյթի առաւել ծանօթացման:
Թ. Հ. Թ. ԹԵՄԱԿԱՆ ԽՈՐՀՈՒՐԴ
