«ԱԼԻՔ» – Շաբաթ՝ մարտի 1-ին, Հ. Մ. «Սիփան» միութեան Արւեսից բաժանմունքի «Աւիւն» մանկապատանեկան ասմունքի խմբի սաների մասնակցութեամբ տեղի ունեցաւ Վարդանանաց հերոսամարտին նւիրւած գեղարւեստական երեկոյ:
Գրիգոր Խանջեանի «Վարդանանք» յոբելենի ստեղծման մասին պատմող տեսանիւթից Արփի Ալավերդեանի գլխաւորութեամբ «Աւիւն»-ի սաները հանդէս եկան ասմունքային կատարումներով, ինչպէս նաեւ հերոսամարտի մասին ընթերցումներով:
Հանդիսատեսով լեցուն «Սիփան» միւթեան կենտրոնատեղիում հաւաքւած հանդիսատեսի շարքերում էին ՊԺ-ի ներկայացուցիչներ, ուսուցիչներ եւ գրասէրներ, որոնց կողքին աչքի էր ընկնում, յատկապէս, պատանի հանդիսդատեսը:
Հ․ Մ․ «Սիփան» միութեան «Աւիւն» մանկապատանեկան ասմունքի խմբից ելոյթներով հանդէս եկան` Ադելինա Նովշադեանը, Էլին Ոսկանեանը, Արւին խաչատրեանը, Նանոր Սարոյեանը, Լիոնա Ռատթէոսեանը, Նատալի Կարապետեանը, Էմիլիա Իսաղուլեանը, Սիոն Սինանեանը, Գայանէ Մելիքեանը, Լէօ Յովսէփեանը, Ռոմէլ Օրուջեանը եւ Դաւիթ Շահնազարեանը:
Ընթացքում դաշնամուրի, ֆլէյտայի եւ գիտարի կատարումներով բեմ բարձացան նաեւ Ադելինա Նոշադեանը, Արփա Մահմուդեանը, եւ Դաւիթ Շահնազարեանը:
Ցուցադրութեան էր հանւել նաեւ Նարինէ Այդինեանի գլխաւորութեամբ «Սիփան» միութեան նկարչութեան դասընթացների փոքրիկ սաների աշխատանքները։
Երեխաների ելոյթներից առաջ ցուցադրւեց Խանջեանի գորգանկարի մասին պատմող եւ Երկիրմեդիա-ի հեղինակած տեսանիւթ, որով ներկայացւած էին նաեւ հատւածներ Գարեգին Նժդեհի մտքերից։ Իսկ տեսանիւթին զուգահեռ ցուցադրւած գորգանկարի մասին պատմեցին երեխաները։
Ընթերցւեցին նաեւ Սուրէն Մուրադեանի «Ապրիր դու Հայաստան»-ը եւ «Դու պիտի ապրես իմ Հայաստան» ստեղծագործութիւնները: Ինչպէս նաեւ Չարենցի «Ես իմ անուշ Հայաստան»-ը, ինչին յաջորդեց «Հիմի էլ լռենք»-ը՝ Ռաֆայէլ Պատկանեանի:
Միջոցառման աւարտին իր գնահատանքի խօսքն ուղղեց պատանի ասմունքողին Հ. Մ. «Սիփան» միութեան վարչութեան նախագահ Հայկազ Շիրւանեանը:
Արփի Ալավերդեանը նոյնպէս հանդիստեսի հետ կիսւեց «Աւիւն» մանկապատանեկան ասմունքի խմբի աշխատանքների մասին:
Թղթակցութիւնը՝ ՀԱՏԻՍԻ
