«ԱԼԻՔ» – Թւականիս սեպտեմբերի 8-ից 11-ը Թեհրանի միջազգային ցուցահանդէսների մնայուն վայրում կայացաւ «Իրան փլաստ»-ի 19-րդ միջազգային ցուցահանդէսը: Հսկայ տարածքում կազմակերպւած ցուցահանդէսում տարբեր սրահներում եւ տաղաւարներում հիմնականում չորս բաժիններ էին ներկայացւած՝ հումք, նախապատրաստւած եւ արտադրւած արտադրանքներ, մեքենաներ եւ սարքաւորումներ, ինչպէս նաեւ ծառայութիւններ: Ինչպէս միշտ այս տարի եւս ներկայացւած տարբեր բաժիններում ներկայ էին պատկան ոլորտների հայ բազմավաստակ գործարարներ:
Իրանի Իսլամական խորհրդարանում Թեհրանի եւ հիւսիսային իրանահայութեան պատգամաւոր դոկտ. Արա Շահվերդեանի գրասենեակից տեղեկացրել են, որ ցուցահանդէսին պատգամաւորը այցելել է հայ գործարարների տաղաւարները: Այցը ներկայացնում ենք պատկերներով:
