Իրանի Իսլամական խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանի գրասենեակից տեղեկանում ենք ,որ պատգամաւորը այցելել է Հ. Մ. «Սիփան» միութեան տարբեր բաժինները:
Նա ներկայ է եղել միութեան ժայռամագլցման, սեղանի թենիսի, բասկետբոլի եւ պատանեկան նկարչութեան ու արւեստի դասարաններին եւ մօտիկից ծանօթացել կատարւող աշխատանքների հետ:
Պատգամաւորը այցելել է նաեւ միութեան գրադարանը, որտեղ շարունակւում են գրադարանը դասաւորելու աշխատանքները: Արա Շահվերդեանը խօսել է միութենականների եւ վարչականների հետ, քննարկւել են գոյութիւն ունեցող հարցերը եւ միութեանը ու միութենականներին յուզող խնդիրները:
