ԹեհրանՀամայնքՄշակութային
«Անին ու Ես»… Նոստալգիա, դրամա թէ՞ իրականութիւն…
Հէնց առաջին ռմբակծութիւնների ձայներից տեղափոխւում ես Իրան-Իրաք պատերազմական օրեր: Նոյնքան պարզ ձայներ, նոյնքան մուգ խաւար:
Համադպրոցական, Համահայկական խաղեր… այնքան գունեղ ու կենդանի, կարծես տանում է քեզ հէնց քո երիտասարդութեան օրերը, նոյն սէրը, նոյն թրթիռն ու նոյն համակրանքը:
Ու 2009 թ.-ի յուլիսի 15… չսպիացած վէրք հոգուդ խորքում, որ ամէն մի նոր զարկով թարմանում է:
Մինիմալ ձեւաչափերով բեմադրւած սոյն ներկայացումն այնքան իրական է, որ ասես վերապրում ես քո անցեալը:
Դերասանական փայլուն հմտութիւնն ու սցենարի ճկուն շարահիւսութիւնը եռանդ ու ոգեւորութիւն է ստեղծում հանդիսատեսի մօտ: Այնքան, որ ասես դու հէնց ինքը Անին ես ու հէնց ինքը Ես-ը:
ՄԵՂԵԴԻ ԵՂՆԱԶԱՐԵԱՆ
