Չորեքշաբթի, 10 դեկտեմբերի 2025 թւականին, պատկան պատասխանատուների ընկերակցութեամբ ազգային առաջնորդարան այցելեցին Ռումանիայի Ուղղափառ եկեղեցու ներկայացուցիչներ աւագ քահանայ դոկտ. Միհայ Փարելը եւ ընկերակցող պատւիրակութիւնը:
Ռումանիայի Ուղղափառ Եկեղեցու Երիտասարդաց հոգեւոր առաջնորդութեան եւ պատւիրակութեանը դիմաւորեցին Թեհրանի հայոց թեմի առաջնորդ Տ. Սեպուհ Ս. արք. Սարգսեանի օգնական՝ Տ. Առաքել աբեղայ Գատեհճեանը, Թեմական խորհրդի ատենապետ Վարուժ Յովհաննիսեանը, Տ. Գրիգորիս քհնյ. Ներսիսեանսը եւ Տ. Սահակ քհնյ. Խոսրովեանը:
Պատւիրակութիւնը նախ մուտք գործեց Ս. Սարգիս եկեղեցի, որտեղ Հայր Սուրբը կատարեց Տէրունական աղօթք, ապա ազգային առաջնորդարանի դահլիճում կայացած հանդիպմանը, Հայր Սուրբը Սրբազան Հօր ողջոյնները փոխանցելով իր ուրախութիւնը յայտնեց հիւրերի ներկայութեան եւ կատարւած այցի առիթով: Նա ամփոփ անդրադարձ ունեցաւ իրանահայ երեք թեմերում, համայնքների եկեղեցական ու ազգային կեանքին նաեւ կառոյցիս ընդհանուր դրւածքին: Հանդիպման ընթացքում նաեւ մատնանշւեց, Իրանում զանազան կրօնների հետեւորդների խաղաղ համակեցութեանը, փոխադարձ կապերին եւ կրօնների խաղաղ երկխօսութեանն ու յարաբերութիւններին։
Աւագ քահանայ դոկտ. Միհայ Փարելը, պատւիրակութեան անունից շնորհակալութիւն յայտնեց ջերմ ընդունելութեան եւ այցելութեան առիթն ստեղծւելու համար եւ իր շնորհաւորանքները փոխանցեց մօտալուտ Ամանորի եւ Ս. Ծննդեան տօների առիթով եւ նւիրեց մի գեղեցիկ Տէրունի սրբանկար։
Հանդիպման աւարտին, հիւրերին նւիրւեցին «Իրանի հայկական եկեղեցիներ» եւ «کلیسای ارمنی» խորագրով գրքերը:
Ազգային առաջնորդարանի հանրային Կապ
