Թեհրանի 12-րդ շրջանի քաղաքապետի այցը՝ Ս. Աստւածածին եկեղեցի եւ շրջափակում գտնւող կենտրոններ

Ամանորի եւ Ս. Ծննդեան տօների առիթով՝ երեքշաբթի յունւարի 2-ին, Թեհրանի Ս. Աստւածածին եկեղեցի այցելեց Թեհրանի 12-րդ շրջանի քաղաքապետ Վահիդռեզա Անառաքի Մոհամմադին եւ նրան ընկերակցող պատւիրակութիւնը:

Հիւրերին դիմաւորեցին Թեմական խորհրդի անդամ՝ Հայկազ Շիրւանեանը, Տ. Յակոբ քհնյ. Քեշիշեանը, եկեղեցու Եկեղեցական խորհրդի ներկայացուցիչները, «Արտակ Մանուկեան» թանգարանի վարիչ՝ Ալիս Շահմուրադեանը եւ «Ակունք» կենտրոնի տնօրէն՝ Վանուշ Թեւանեանը:

Հիւրերը նախ այցելեցին եկեղեցի եւ եկեղեցու տարածքը, նաեւ ներկայ գտնւեցին «Ա. Մանուկեան» թանգարանում, որտեղ թանգարանի տնօրէնի կողմից համապարփակ բացատրութիւն տրւեց իրանահայ համայնքի մասին:

Հանդիպման ընթացքում շրջանի քաղաքապետը նշելով Իսլամ եւ Քրիստոնեայ կրօնների միջեւ առկայ ընդհանրութիւններին, յայտնեց, որ միաստւածութեան տարբեր հետեւորդները Իրանում երկար տարիներ միասին ապրել են խաղաղութեան եւ բարեկամութեան մէջ եւ ինչպէս անցեալում այսօր եւս բարեկամական կապերը դեռեւս ամուր են:

Տ. Յակոբ քհնյ. Քեշիշեանը նաեւ իր հերթին բարձր գնահատեց քաղաքապետի ներկայութիւնը եւ յայտնեց, որ նման այցելութիւնները բարի կամեցողութեան եւ համագործակցութեան խորհրդանիշ են, որն ընդմիշտ վայելել է իրանահայ համայնքը:

Հանդիպման աւարտին հիւրերը հիւրընկալւեցին եկեղեցու խորհրդի սրահում:

Ազգային առաջնորդարանի Հանրային կապի գրասենեակ