Վանում ուրարտական ժամանակաշրջանի խոշոր արձան է յայտնաբերւել

«ԱԼԻՔ» – Հնագէտները Վանի Տուշպա թաղամասում հնագիտական ​​պեղումների ժամանակ յայտնաբերել են ուրարտական ​​ժամանակաշրջանի բազալտէ քարէ արձան, որը կշռում է մօտ մէկ տոննա։ Այս մասին ըստ «Արմէնպրես»-ի՝ հաղորդում է Arkeonews-ը:

Ըստ հնագէտների՝ գտածոն մոնումենտալ եռաչափ արձան է, ինչպիսին նախկինում երբեք չի հանդիպել։ Տպաւորիչ չափերով եւ վարպետօրէն քանդակւած բազալտէ արձանի մասին տեղեկութիւնները, գիտնականների խօսքով, պարզ կը լինեն մանրամասն ուսումնասիրելուց յետոյ: 

Այն նման է փորագրւած հիմքով, ոճաւորւած գլխով, քառակուսի պրիզմայաձեւ մարմնով եւ դէմքի աննկատելի դիմագծերով կերպարի։