Մշակութային
ԵՂԵԳԱՆ ՓՈՂ
Լոյսը բացւում է
ֆէյսբուքը բացւում է
սկսում ես լայքել
ընկերոջդ կորցրած տունը
ընկերոջդ կորցրած սէրը
ընկերոջդ կորցրած մանկութիւնը
ընկերոջդ կորցրած վաղւայ ուրախութիւնը
ընկերոջդ կորցրած երազը
ընկերոջդ կորցրած կանաչ փաթաթւող բաղեղը` պապի տան աստիճաններին
ընկերոջը կորցրած ընկերոջդ
ընկերոջդ կորցրած հետքերն իր փողոցում
ընկերոջդ աչքերի կորցրած փայլը
ընկերոջդ կորցրած տեսարանը` տան լուսամուտից
ընկերոջդ կորցրած պստիկ սովորութիւնները
ընկերոջդ կորցրած թեթեւութիւնը
ընկերոջդ կորցրած ձայները
ընկերոջդ կորցրած գիրկը
ընկերոջդ կորցրած էն խոնավ-սիրուն օրը
ընկերոջդ կորցրած գոյնզգոյն ժպիտը
ընկերոջդ կարօտը
ընկերոջդ թաքուն յոյսը
ընկերոջդ թաքուն յոյսը
ընկերոջդ թաքուն յոյսը
ընկերոջդ թաքուն յոյսը
ընկերոջդ թաքուն յոյսը
ընկերոջդ թաքուն յոյսը
ընկերոջդ թաքուն յոյսը
ընկերոջդ թաքուն յոյսը
ԼԻԼԻԹ ԲԼԷՅԵԱՆ
