Հայ քաղաքական կուսակցութիւնների ներկայացուցիչները քննարկել են Լիբանանի իրավիճակն ու համայնքային խնդիրները
«ԱԼԻՔ» – Լիբանանահայ երեք հայ քաղաքական կուսակցութիւնների՝ Հայ Յեղափոխական Դաշնակցութեան, Ռամկավար Ազատական եւ Սոցիալ Դեմոկրատական Հնչակեան կուսակցութիւնների ներկայացուցիչների հերթկան հանդիպումը տեղի է ունեցել նոյեմբերի 7-ին, ՍԴՀԿ կենտրոնատեղիում:
Հանդիպման ընթացքում քննարկւել է Լիբանանի վերջին զարգացումները, իսրայէլեան շարունակւող յարձակումների ու ոտնձգութիւնների անմիջական ու երկարատեւ հետեւանքները։
Երեք կուսակցութիւնների ներկայացուցիչները վերահաստատել են ներլիբանանեան իրադարձութիւններում ծայրայեղական կեցւածքներից հեռու մնալու անհրաժեշտութիւնը եւ ներքին համերաշխութեան պահպանման առումով անհրաժեշտ ճիգեր գործադրել շարունակելու կարեւորութիւնը:
Անդրադարձ է եղել հայահոծ թաղամասերի շրջանում հաստատւած տեղահանւածներին օգնութիւններ տրամադրելու հարցին: Կարեւորութեամբ քննարկւել է յատկապէս լիբանանահայ համայնքի հոգեւոր, միութենական եւ բարեսիրական կազմակերպութիւնների տարած համակարգւած աշխատանքները՝ շեշտելով դրանց կազմակերպւածութեան եւ արդիւնաւէտութեան անհրաժեշտութիւնը ստեղծւած ճգնաժամային պայմաններում:
Հանդիպման աւարտին մասնակիցներն անդրադարձել են Ադրբեջանում կայանալիք գագթնաժողովին՝ հաստատելով, որ այդ երկիրը բարոյական որեւէ իրաւունք չունէր նման տարողութեամբ գագթնաժողով հիւրընկալելու համար:
Նրանք անհրաժեշտ են նկատել բարձրացնել Արցախի ժողովուրդի նկատմամբ իրականացւած էթնիկ զտումի, բռնի տեղահանման հարցերը, եւ Արցախի ժողովուրդի բոլոր իրաւունքնի վերականգնման համար միջազգային հանրութեան դիրքորոշման ապահովումը։
