Հայաստանն ու Իրանը կանաչ մաքսային միջանցքի մեկնարկի շեմին են

Հայաստանն ու Իրանը կանաչ մաքսային միջանցքի մեկնարկի շեմին են. նախագիծ, որի նպատակն է հեշտացնել առեւտուրը, կրճատել վարչական ընթացակարգերը եւ ապրանքների տարանցման ժամանակը կրճատել մինչեւ երկու ժամից պակաս:

Տեղեկատւութեան էլեկտրոնային փոխանակման եւ ինտելեկտուալ ռիսկերի կառավարման վրայ հիմնւած այս միջանցքը հնարաւորութիւն կը տայ երկու երկրների միջեւ արտահանման, ներմուծման եւ տարանցիկ ապրանքների աւելի արագ անցման եւ կը նպաստի երկկողմ տնտեսական փոխանակումների զարգացմանը:

ParsToday-ի փոխանցմամբ՝ Իրանի եւ Հայաստանի մաքսային մարմիններն աւարտել են այս նախագծի իրականացման համակարգման վերջին փուլերը: Իրանի մաքսային տարանցման գրասենեակի գլխաւոր տնօրէն Չանգիզ Խանարին յայտարարել է, որ վերջնական հանդիպումից եւ երկու երկրների մաքսային մարմինների կողմից հաստատումից յետոյ կանաչ միջանցքը կը գործի լիազօրւած տնտեսական օպերատորների համար:

Ծրագրի համաձայն՝ ցածր ռիսկայնութեան ապրանքները, այդ թւում՝ որոշ անհրաժեշտ ապրանքներ, գիւղատնտեսական արտադրանք եւ սնունդ, կը հատեն սահմանը նւազագոյն փաստաթղթերով եւ առանց ժամանակատար ստուգումների։ Եւրասիական տնտեսական միութեան անդամ Հայաստանը միջանցքը համարում է տարածաշրջանային առեւտուրը խթանելու եւ Կովկասի ու Պարսից ծոցի միջեւ տարանցիկ ուղիների արդիւնաւէտութիւնը բարձրացնելու արդիւնաւէտ քայլ։