ԱԶԳԱՅԻՆ ՀԱՄԵՐԱՇԽՈՒԹԻՒՆ՝ ԺԱՄԱՆԱԿԻ ՀՐԱՄԱՅԱԿԱՆ

Թաթուլ Օհանեանն իր յօդւածում անդրադառնում է ազգային համերաշխութեան կենսական նշանակութեանը՝ շեշտելով, որ այն անհրաժեշտ նախապայման է ազգային ու քաղաքական մարտահրաւէրներին դիմակայելու համար։ Հեղինակը նշում է, որ ներկայ իշխանութիւնների վարած պառակտիչ քաղաքականութիւնը խորացրել է ներազգային բաժանումները՝ թուլացնելով հայութեան միասնականութիւնը թէ՛ Հայաստանում, թէ՛ Սփիւռքում։

Յօդւածում ընդգծւում է, որ տարածաշրջանային լուրջ սպառնալիքների պայմաններում ազգային համերաշխութիւնը դարձել է գոյութենական անհրաժեշտութիւն։

ԽՄԲ.

 

Համերաշխութիւն

ԹԱԹՈՒԼ ՕՀԱՆԵԱՆ

Համերաշխութիւնը (լատ. solidus, ամուր), համոզմունքների եւ գործողութեանց միասնութիւն, փոխադարձ օգնութիւն եւ աջակցութիւն, որոնք հիմնւած են շահերի ընդհանրութեան եւ ընդհանուր նպատակներ իրագործելու անհրաժեշտութեան վրայ։

Համերաշխութիւնը դառնում է բարոյական պահանջ որեւէ ազգի, նրա կուսակցական կազմակերպութիւնների եւ միութիւնների համար, երբ առարկայական անհրաժեշտութիւն է ծագում համատեղ աշխատանք ունենալու, յանուն որեւէ ազգային եւ քաղաքական խնդրի լուծման համար։

Ազգային համերաշխութեան պահանջ է առաջնում ժողովրդի գիտակցութեան մէջ, երբ պայքար է մղւում օտարերկրեայ զաւթիչների դէմ իսկ ազգային համերաշխութիւնը խախտւում է երբ երկրի իշխանաւորները, առաջին պլան են մղում ոչ թէ ազգային այլ իրենց անձնական, կուսակացական նեղ շահերը եւ տուրք են տալիս ագրեսորների պահանջներին, ինչպէս մեր հայրենի ներկայ իշխանաւորները։

Դժբախտաբար Ք. Պ.-ի ապաշնորհ եւ պառակտիչ քաղաքականութեան շնորհիւ, այսօր հայութիւնը թէ՛ անկախ Հայրենիքում, եւ թէ՛ Սփիւռքում, ապրում է ոչ թէ ազգային համերաշխութեամբ այլ տառապում է անհամերաշխութեան՝ նոյնիսկ թշնամական յարաբերութիւններում։

Յունիս 7-ի, խորհրդարանական ընտրութիւններին թէ՛ նախընտրական, եւ թէ՛ ընտրութեան ընթացքին ընդդիմութեան պատասխանատուներին սպառնալիքներով եւ ձերբակալումներով, բազում ընտրախախտումներով, պետական ռեսուսների օգտագործումով եւ մեծ թւով զինւորների, ընտրատեղամասեր բերելով եւ յօգուտ Փաշինեանի քւէարկելով եւ վերջապէս ընդհանուր քւէարկողների 49/75%, ով (ոչ թէ 50+1 ով եւ ոչ թէ երկու երրոդի մեծամասնութեամբ) ընտրւում է Փաշինեանի գլխաւորած՝ Ք.Պ.-ի, Ազգային ժողովի թեկածուների ցանկը։

Ցանկացած որեւէ քաղաքակիրթ երկրում, ընտրաշաւի ժամանակ, ընդդիմութեան եւ իշխող խմբի միջեւ տեղի ունեցած ընդդիմախօսութիւններից եւ նոյնիսկ բախումներից յետոյ երբ յաղթող կողմը հասնում է իշխանութեան, գիտակցելով ընդդիմութեան կարեւոր դերն երկրի կառավարման գործում, առաջին իսկ առիթով առաջ է մղում, վասն երկրի առաւել զարգացման եւ բարեկեցութեան, ընդդիմութեան հետ համախոհութեան եւ համագործակցութեան եզրեր գտնել իսկ մեզ մօտ ճիշտ ու ճիշտ հակառակն է կատարւում քանզի դեռ ընտրութեանց արդիւնքները, 100% չյայտարարւած, Ազգային ժողով եւ պետութիւն չկազմաւորւած, Փաշինեանը կրկին ու կրկին, բացելով իր զրպարտութեանց փտած ու նեխած տոպրակը, ընդդիմութեան ակտիւիստների եւ ղեկավարութեան նկատմամբ, կիրառում է նոր ահաբեկումներ, բռնաճնշումներ, ձերբակալութիւններ եւ երկրից դուրս գնալու արգելքներ։

Դժբախտաբար այսօր, Հայաստանը գտնւում է միջազգային եւ տարածաշրջանի ուժերի միջեւ, Այսրկովկասը իրենց ազդեցութեան գօտի վերածելու խիստ պայքարի եւ վտանգաւոր հակադրութեանց կիզակէտում, ի մասնաւորի ազգային գոյատեւման հաւասար, վտանգաւոր է Էրդողան-Ալիեւ տանդեմի ախորժակը, 300000 ադրբեջանցիների Հայաստանում բնակեցնելու եւ Հայաստանը արեւմտեան ադրբեջան համարելու բարբաջանքները, հետեւաբար անհրաժեշտ է ի գին կենաց եւ մահու, ազգային համերաշխութեամբ, դիմագրաւել վերոնշեալ բոլոր մարտահրաւէրները, որի առաջին դիրքերում պիտի լինի ՀՀ-ի նիկոլական ղեկավարութիւնը որոնք դէմ լինելով ազգային համերաշխութեան, ցաւօք սրտի, ի սկզբանէ սկսեցին նախկին եւ ներկայ, սեւ ու սպիտակ պառակտիչ լոզունգներով ապա շարունակեցին, հայաստանցի ու ղարաբաղցի, նոր ու հին Հայաստան, hայաստանցի ու սփիւռքահայ, Արարատ ու Արագած եւ վերջացրեցին, ռուսամէտ ու եւրոպամէտ պառակտիչ լոզունգներով, որի պատճառով էլ հայութիւնը այսօր ապրում է ոչ թէ ազգային համերաշխութեամբ այլ ազգային անհամերաշխութեամբ։

Երեւան

26.6.2026 թ.