ԱյլՀայաստան - Արցախ
Երկրի վրայ ուժեղ մագնիսական փոթորիկ է նկատւել
Մարտի 24-ին երկրի վրայ շատ ուժեղ մակարդակի մագնիսական փոթորիկ է նկատւում:
Այս մասին «Տասս»-ի փախանցմամբ ասւում է կիրառական երկրաֆիզիկայի ինստիտուտի (IPG) տիեզերական եղանակի մոնիտորինգի տւեալների մէջ: Գրում է 168.am-ը:
«Մագնիսական փոթորիկը շարունակւում է», – ասւած է հաղորդագրութեան մէջ:
Երկրի մագնիսական դաշտի խանգարումը ներկայումս հասել է G4 մակարդակի, որը նշանակում է «շատ ուժեղ» հինգ ցուցանիշների մոնիտորինգի սանդղակում, որտեղ G5 -ը «ծայրայեղ ուժեղ» է, իսկ G1 – ը ՝ «թոյլ»:
G4 մակարդակը ենթադրում է, որ երկրի վրայ, բացի հաղորդակցութեան լուրջ խանգարումներից, կարող են գրանցւել ռադիոկապի լուրջ խախտումներ, արբանեակային եւ ռադիոյաճախականութիւնների նաւիգացիայի ժամեր շարունակ խախտումներ:
