Օրական կարելի է անվտանգ մօտ 30 գրամ մուգ շոկոլադ օգտագործել

Թուլէյնի համալսարանի գիտնականները պարզել են, որ օրական մէկ ունցիա (մօտ 30 գրամ) մուգ շոկոլադ օգտագործելը անվտանգ է: Այս քանակութիւնը մարդուն թունաւորման վտանգի տակ չի դնում այս ապրանքի մէջ պարունակւող թունաւոր մետաղներից: Հետազօտութեան արդիւնքները հրապարակւել են Food Research International (FRI) ամսագրում:

Գիտնականները բացատրել են, որ շոկոլադի որոշ ապրանքանիշեր կարող են պարունակել կապար եւ կադմիում այն ​​քանակութեամբ, որոնք վտանգաւոր են առողջութեան համար: Հետազօտութեան ընթացքում նրանք վերլուծել են մուգ եւ կաթնային շոկոլադի 155 նմուշ՝ պարզելու համար, թէ դրանցից որն է պարունակում ամենաթունաւոր մետաղները։

Հետազօտութիւնը ցոյց է տւել, որ մուգ շոկոլադի միայն հինգ նմուշներում (ներառեալ մէկում 50 տոկոս կակաոյի պարունակութեամբ) կայ կադմիումի մակարդակ, որը անհանգստացնում է երեք տարեկան երեխաներին (բայց ոչ մեծահասակներին)՝ շաբաթական երկու սալիկի հիման վրայ: Բացի այդ, արտադրանքի մէջ կապարի կամ այլ թունաւոր մետաղների աւելցուկ չի յայտնաբերւել:

Հետազօտողները նաեւ տեսակաւորեցին շոկոլադն ըստ աշխարհագրութեան եւ պարզեցին, որ Հարաւային Ամերիկայից ստացւած մուգ շոկոլադում կադմիումի եւ կապարի աւելի բարձր մակարդակ կայ, քան Ասիայի եւ Արեւմտեան Աֆրիկայի շոկոլադը: Գիտնականները պարզել են, որ կադմիումի եւ կապարի բարձր պարունակութեամբ մուգ շոկոլադն անվտանգ է, քանի դեռ դուք օրական օգտագործում էք մէկ ունցիա (մօտ 30 գրամ): Այս քանակութիւնը մարմնին ապահովում է նաեւ պղինձով, երկաթով, մանգանով, մագնեզիումով եւ ցինկով՝ առանց աւելորդ շաքարի եւ ճարպերի ընդունման ռիսկի աւելացման:

 News.am