Մասնագէտները կոչ են անում աննախադէպ խիստ միջոցներ ձեռնարկել գերմշակւած սննդամթերքի սպառման դէմ պայքարելու համար

Գիտնականներն ու հանրային առողջապահութեան մասնագէտները կոչ են անում խիստ եւ աննախադէպ միջոցներ ձեռնարկել գերմշակւած սննդամթերքի սպառման դէմ, քանի որ դրանց առողջութեան համար ռիսկերը գնալով աւելի ակնյայտ են դառնում։

Ըստ վերջին ակնարկի, որի արդիւնքները հրապարակւել են The Lancet ամսագրում, նման մթերքների մեծ մասնաբաժինը սննդակարգում կապւած է ճարպակալման, սրտանօթային հիւանդութիւնների, նիւթափոխանակութեան խանգարումների եւ այլ քրոնիկ հիւանդութիւնների բարձր ռիսկի հետ։

Հեղինակները առաջարկում են մի քանի հիմնական քաղաքականութիւն՝ UPF փաթեթաւորման վրայ առջեւի մասում նախազգուշացնող պիտակների տեղադրում, դրանց գովազդի սահմանափակում, յատկապէս երեխաների համար, հանրային հաստատութիւններում (դպրոցներ, հիւանդանոցներ) վաճառքի արգելում եւ սուպերմարկետներում այս ապրանքների համար նախատեսւած տարածքի կրճատում: Հետազօտողները կարծում են, որ այս միջոցառումները անհրաժեշտ են UPF-ի ազդեցութիւնը նւազեցնելու եւ հանրային առողջութիւնը պաշտպանելու համար:

Բացի այդ, փորձագէտներն ընդգծում են, որ սննդի արդիւնաբերութիւնն ակտիւօրէն դիմադրում է նման բարեփոխումներին. առաջ են մղւում վերամշակման թոյլ նորմեր, կիրառւում է լոբբինգ եւ մարքեթինգային ճնշում։ Ուստի նրանք կառավարութիւններին կոչ են անում համարձակ գործել՝ նմանւելով այն բանին, թէ ինչպէս են նախկինում կարգաւորել ծխախոտի արդիւնաբերութիւնը։

News.am