Վիրաբոյժները յաջողութեամբ փոխպատւաստել են հիւանդի ակնագունդը եւ դէմքը

Գիտնականներն առաջին անգամ միաժամանակ փոխպատւաստել են մարդու աչքն ու դէմքը։ Թէեւ հիւանդի տեսողութիւնը հնարաւոր չի եղել վերականգնել, սակայն աչքի արեան շրջանառութիւնը նորմալ է ստացւել։ Սա կարող է քայլ լինել դէպի ակնագնդի փոխպատւաստում՝ տեսողութիւնը վերականգնելու համար, նշել են JAMA ամսագրում հրապարակւած զեկոյցի հեղինակները: Փոխպատւաստումն իրականացրած վիրաբոյժները յայտնել են, որ փոխպատւաստւած ակնախնձորը մնում է կենսունակ: Հիւանդը մերժման ռեակցիա չի ունեցել, եւ ցանցաթաղանթի լոյսին արձագանգելու ունակութիւնը պահպանւել է: «Չնայած վիրահատութիւնը ստացողին չի յաջողւել վերականգնել տեսողութիւնը, փոխպատւաստւած աչքը պահպանել է նորմալ ճնշումը, լաւ արեան հոսքը եւ ցանցաթաղանթի որոշ կառուցւածք եւ գործառոյթ: Շատ փորձագէտներ չէին կարծում, որ մենք նոյնիսկ դրան կը հասնենք, բայց մենք յաջողութեամբ փոխպատւաստեցինք եւ պահպանեցինք աչքը՝ առանց իմունային մերժման: Յաջորդ մարտահրաւէրը հասկանալն է, թէ ինչպէս կարելի է վերականգնել տեսողութիւնը»,- ասել է վիրաբոյժ Էդւարդօ Դ. Ռոդրիգէսը:

News.am