Եւրոպայում կարող են հաւանութեան արժանացնել Ալցհէյմերի հիւանդութեան բուժման առաջին դեղամիջոցը

Հիւանդութիւնների վերահսկման եւրոպական կոմիտէն խորհուրդ է տւել հաւանութիւն տալ Eisai-ի եւ Biogen-ի Leqembi դեղամիջոցին, որ նախատեսւած է վաղ փուլում Ալցհէյմերի հիւանդութեան բուժման համար։ Այսպիսով, կոմիտէն չեղարկել է քառամսեայ վաղեմութեան իր սկզբնական որոշումը,- գրել է remedium-ը։

Եթէ Եւրայանձնաժողովն ընդունի առաջարկը, Leqembi-ն կը դառնայ Եւրոպայում առաջին դեղամիջոցը նէյրոդեգեներատիւ այս հիւանդութեան բուժման համար։

Բժշկական կիրառման դեղամիջոցների կոմիտէն (CHMP) խորհուրդ է տւել թոյլատրել դեղամիջոցի կիրառումը որոշ թեկնածու հիւանդների համար։

Eisai-ի եւ Biogen-ի հետազօտութեանը մասնակցել են նրանք, որոնք չեն ունեցել ApoE4 գէնի պատճէններ  կամ նոյն պատճէնի կրիչներ։ Առաջին եւ երկրորդ դէպքերում հիւանդութիւնը դրսեւորւում է աւելի վաղ տարիքում։ Հետազօտութեանը մասնակցել են նաեւ գէնի այդ տարբերակի երկու պատճէնն ունեցող հիւանդների։

Յուլիսին կենտրոնը մերժել էր արտադրողներին գրանցել Leqembi-ն նոյն հիմնաւորմամբ, որ ուղեղի լուրջ այտուցման վտանգը, որն առաջանում է այն ստանալիս, չի գերազանցում դեղամիջոցի աննշան օգուտը կոգնիտիւ խախտումների զարգացումը դանդաղեցնելու տեսակէտից։

Կրկնակի հետազօտութեան արդիւնքները  ցոյց են տւել, որ ApoE4 գէնի պատճէն չունեցող հիւանդների կամ նոյն պատճէնի կրող հանդիսացողների մօտ հիւանդութեան խորանալու դանդաղումը գերազանցում է ուղեղի լուրջ այտուցման վտանգը։

News.am