Մասուրի մէջ յայտնաբերւել է նիւթ, որը քայքայում է քաղցկեղի բջիջներն ուղեղի ուռուցքի դէպքում

Տոմսկի պետական համալսարանի գիտնականները մասուրի մէջ յայտնաբերել են ուղեղի ուռուցքների քաղցկեղի բջիջները ոչնչացնող նիւթ: Ընդհանուր առմամբ, այս հատապտուղում յայտնաբերւել է բժշկութեան համար օգտակար 48 նոր միացութիւն, ՏԱՍՍ-ին յայտնել են համալսարանի մամուլի ծառայութիւնում։

«Գիտնականներին առաջին անգամ յաջողւել է հատապտուղների մէջ յայտնաբերել, օրինակ, հացէոզիդին: Ապացուցւած է, որ այն կարող է ոչնչացնել քաղցկեղի բջիջները մուլտիֆորմալ գլիոբլաստոմայում, որը գլխուղեղի ուռուցքի ամենատարածւած եւ ագրեսիւ ձեւն է: Մասուրի մէջ նաեւ յայտնաբերւել է ցիրսիլիոլ, որը պայքարում է մաշկի քաղցկեղի, հաստ աղիի քաղցկեղի եւ օստէօսարկոմայի դէմ»,- նշւել է հաղորդագրութիւնում։

Հետազօտութեան համար Կամչատկայում հաւաքւել են երեք տեսակի հատապտուղներ՝ Rosa acicularis, Rosa amblyotis եւ Rosa rugosa: Ածխաթթու գազի օգնութեամբ, որն էկոլոգիապէս ամենաբարենպաստ եւ ոչ թունաւոր լուծիչն է, գիտնականները կարողացել են բացայայտել միացութիւնների առաւելագոյն քանակը՝ 283 քիմիական միացութիւններ, որոնցից 48-ն առաջին անգամ յայտնաբերւել են մասուրի մէջ:

Հետազօտութիւնը ցոյց է տւել, որ հատապտուղների մէկ չափաբաժնում պարունակւում է սննդարար նիւթերի մօտ 6,5 տոկոսը: Rosehip spinosa-ն պարունակում է 84 եզակի միացութիւններ, որոնք հնարաւոր չէ գտնել այլ հատապտուղների մէջ: Նոյն տեսակի երեք բոյսերի կազմը համընկել է ընդամէնը 22 տոկոսով։

«Մեր աշխատանքի արդիւնքները կարող են օգտագործւել կենսաբանօրէն ակտիւ նիւթերի արդիւնաւէտ արտադրութեան, մասուրի յատկութիւնների խոր ուսումնասիրութեան եւ նոր դեղամիջոցների արտադրութեան համար»,- նշւել է յօդւածի համահեղինակ, կենսաբանական գիտութիւնների դոկտոր, «Ագրոբիոտեկ» Բարձրագոյն ինժեներական դպրոցի տնօրէնի պաշտօնակատար Կիրիլ Գոլոխւաստի հաղորդագրութիւնում։

News.am