Մասնագէտները պարզել են, թէ ինչպէս է մաշկի միկրոշրջանառութեան խախտումն ազդում ծերացման տեսակի վրայ

Նովգորոդի Եարոսլաւ Իմաստունի անւան պետական համալսարանի գիտնականները ուլտրաձայնային հետազօտութեան միջոցով ուսումնասիրել են մաշկի կառուցւածքի տարիքային առանձնայատկութիւնները ծերացման տարբեր մորֆոտիպեր ունեցող կանանց մօտ: Պարզւել է, որ մաշկի միկրոշրջանառութիւնը ազդում է այն բանի վրայ, թէ ինչպէս են մարդիկ ծերանում: Հեղինակները խորհուրդ են տալիս տարիքային փոփոխութիւնները շտկելիս հաշւի առնել արեան մատակարարման առանձնայատկութիւնները։

Մաշկի բոլոր շերտերը եւ դրանցում տեղակայւած անօթները ենթարկւում են տարիքային փոփոխութիւնների, յայտնել են ՌԴ կրթութեան եւ գիտութեան նախարարութիւնից։ Կառուցւածքային փոփոխութիւններ են տեղի ունենում մաշկում եւ ենթամաշկային հիւսւածքում, որոնք մակերեսին ունենում են ծալքերի կամ կնճիռների տեսք։ Դրանց առաջացման մեխանիզմը դեռ լիովին պարզ չէ։

Հետազօտութեանը մասնակցել է 45-55 տարեկան 60 կին: Դէմքի ծերացման տեսակի վերլուծութիւնն իրականացւել է ուլտրաձայնային սքանաւորման միջոցով: Գնահատւել է դերմիսի եւ ճակատի մաշկի, այտոսկրերի, այտերի, կզակի, ծնոտի տակի եւ պարանոցի խոր շերտերի էխոգենութիւնը (պատկերի պայծառութիւն, որը բնութագրում է օրգանի խտութիւնը)՝ անօթային տարրերի գնահատմամբ:

Ուլտրաձայնային հետազօտութիւնը յայտնաբերել է մազանոթների երակային եւ անցումային հատւածների տրամագծերի մեծացում, արեան նստւածք, երակային լճացում եւ, որպէս հետեւանք, մազանոթների քայքայում։ Միկրոանոթներում արեան ծաւալի աճի դէպքում աւելացել է պերֆուզիոն հաւասարակշռութիւնը (արեան ներհոսքը գերակշռում է դրա արտահոսքին):

Մասնակիցների մէջ առանձնացւել են ծերացման երեք հիմնական տեսակներ՝ մանր կնճիռ, դեֆորմացիոն եւ համակցւած: Արդիւնքները ցոյց են տւել, որ ծերացման տարբեր մորֆոտիպերը դրսեւորւում են տարբեր հաստութեամբ, մաշկի մեխանիկական յատկութիւններով եւ արեան միկրոշրջանառութեան բնութագրերով։

Ծերացման մանրա կնճիռ տեսակը յայտնաբերւել է կանանց 25,4 տոկոսի մօտ: Նրանք նկատել են մաշկի գոյնի փոփոխութիւն, այն ձեռք է բերել մոխրագոյն երանգ, իսկ դէմքի վրայ նկատւել է մանր կնճիռների ցանց։ Ծերացման այս տեսակը բնութագրւում է չոր մաշկի, աչքերի շուրջ արտայայտւած «սագի թաթերով», կոպերի վերին եւ ստորին հատւածների կնճիռներով, վերին շրթունքի կնճիռներով եւ կզակի հատւածում կնճիռների առկայութեամբ:

Մաշկի ուլտրաձայնային պատկերը բնութագրւել է էպիդերմում գծային կառուցւածքների առկայութեամբ, մանրաթելերի ոչնչացման բարձր աստիճանով մեծ քանակութեամբ տարածքների դերմիսում, նոսրացումով եւ ակուստիկ խտութեան նւազմամբ: Նկատւել է մազանոթային ցանցի խտութեան նւազում եւ ծալքերի աւելացում։

Փորձարկւողների 41,8 տոկոսի մօտ նկատւել է ծերացման դեֆորմացիոն տեսակ, որն առաւել բնորոշ է իւղոտ եւ կոմբինացւած մաշկ ունեցող մարդկանց։ Այն դրսեւորւել է որպէս դէմքի եւ պարանոցի փափուկ հիւսւածքների առաձգականութեան նւազում։ Արտաքին բնորոշ նշաններն են այտուցւածութիւնը, ընդգծւած քթային ծալքը, բերանի մօտի կախւող անկիւնները։ Ինչպէս նշել են հետազօտողները, ծերացման դեֆորմացիոն տիպի հետ բացայայտւել է նաեւ արեան միկրոշրջանառութեան վատթարացում։ Ուլտրաձայնային հետազօտութիւնը յայտնաբերել է մազանոթների երակային եւ անցումային հատւածների տրամագծերի մեծացում, արեան նստւածք, երակային լճացում եւ, որպէս հետեւանք, մազանոթների քայքայում։

Գիտնականների կարծիքով՝ մաշկի ծերացումը շտկելու մեթոդները պէտք է լինեն համապարփակ եւ հաշւի առնեն ծերացման գերիշխող տեսակը, տարիքը եւ մաշկի տեսակը։ Ուլտրաձայնային սքանաւորումը հնարաւորութիւն է տալիս անհատապէս մօտենալ տարիքային փոփոխութիւնների շտկմանը, հաշւի առնել իւրաքանչիւր պացիենտի մաշկի կառուցւածքային առանձնայատկութիւնները եւ արեան մատակարարումը եւ վերահսկել բուժման արդիւնաւէտութիւնը:

News.am