Օրական 2,7 լիտր հեղուկը կօգնի փորկապութիւնը կանխելուն
Փորկապութիւնը կանխելու համար կանայք պէտք է օրական խմեն մօտ 2,7 լիտր ընդհանուր քանակութեամբ հեղուկ։ Տղամարդկանց համար ընդունելի քանակը մինչեւ 3,7 լիտրն է: Դրա մասին WelnessPulse բժշկագիտական հանդէսին յայտնել է Իլինոյսի համալսարանի սննդաբան Ալեքսանդրա Գինոսը։
Բժիշկը բացատրել է, որ փորկապութիւնն ընդհանուր առմամբ սահմանւում է որպէս աղիքների նւազ դատարկում, սովորաբար՝ շաբաթական երեք անգամից պակաս: Այս պաթոլոգիան յաճախ ուղեկցւում է փքւածութեամբ եւ անհարմարութեան զգացողութեամբ:
Ըստ սննդաբանի՝ շատ մարդիկ ձգտում են բարելաւել իրենց աղիների աշխատանքը՝ աւելի շատ մանրաթելային մթերք օգտագործելով: Դրանով հարուստ են բանջարեղէնը, միրգը, ձաւարեղէնը եւ հացը։ Այս մթերքները մեծացնում են կղանքի զանգւածը՝ չմարսւող մանրաթելերի միջոցով, սակայն այս ռազմավարութիւնը որոշ դէպքերում կարող է անարդիւնաւէտ լինել: Կարեւոր պայման է սննդակարգում հեղուկի բաւարար քանակութիւնը։
Բժիշկ Գինոսը նշել է, որ արտաթորումը խթանելու համար կանանց անհրաժեշտ է օրական մօտ 2,7 լիտր հեղուկ, իսկ տղամարդկանց՝ 3,7 լիտր: Այս դէպքում նշւած ծաւալը չպէտք է ներառի միայն ջուր։ Թէյի, հիւթերի եւ կաթնային ըմպելիքների կանոնաւոր օգտագործումը նոյնպէս օգնում է փորկապութիւնը կանխելուն։
Բժիշկը յաւելել է, որ ֆիզիկական վարժութիւնները կարող են լրացուցիչ օգուտ տալ աղեստամոքսային համակարգին։
Նոյնիսկ թեթեւ ծանրաբեռնւածութիւնը, օրինակ՝ քայլելը եւ եօգան, լաւացնում են աղիների աշխատանքը:
News.am
