Կանէփի օգտագործումից բխող խանգարումը մեծացնում է մի շարք հոգեկան խանգարումների զարգացման ռիսկը

Ներկայում ԱՄՆ շատ նահանգներ օրինականացրել են կանէփի օգտագործումը կամ այն ​​հասանելի են դարձրել բժշկի դեղատոմսով։

Սակայն Էյլի համալսարանի գիտնականների գլխաւորած հետազօտական ​​​​խումբը գնահատել է կանէփի օգտագործման առանձնայատկութիւնների եւ հոգեկան առողջութեան խանգարումների փոխադարձ կապը:

Նրանց հետազօտութիւնները, որոնք վերջերս հրապարակւել են Nature Mental Health բժշկագիտական  հանդէսում, ցոյց են տալիս, որ կանէփի օգտագործման խանգարումները մարդկանց շրջանում մեծացնում են հոգեկան առողջութեան մի շարք խանգարումներ զարգացնելու վտանգը, ինչն իրենց բուժառուների համար կանէփի հնարաւոր օգուտների գնահատման համար օգտակար ձեռնարկ է, որը կարող են օգտագործել հանրային առողջապահութեան մասնագէտները։

Նոր հետազօտութեան մէջ գիտնականները վերլուծել են գենոմի լայնածաւալ ասոցիացիայի ուսումնասիրութիւնների (GWAS) աւելի վաղ հրապարակւած արդիւնքները՝ կանէփի օգտագործման խանգարումների եւ հոգեկան հիւանդութեան փոխադարձ կապն ուսումնասիրելու համար։ GWAS տւեալների հաւաքածուներն օգտագործւում են որոշակի հիւանդութեան կամ յատկանիշին առնչւող գենետիկական տատանումները բացայայտելու համար՝ գէնոմի ամբողջ տարածքում միլիոնաւոր գենետիկական մարկերներ ուսումնասիրելով։

Գիտնականները յայտնաբերել են մի քանի երկկողմանի պատճառահետեւանքային կապեր. մասնաւորապէս, հոգեկան հիւանդութիւնը ոչ միայն մեծացնում է կանէփի օգտագործման խանգարման զարգացման վտանգը, այլեւ կանէփի օգտագործման խանգարումն է մեծացնում հոգեկան խանգարման զարգացման վտանգը։

Ստացւած արդիւնքները հաստատում են նախորդ հետազօտութիւնները, որոնք երկկողմանի կանէփի օգտագործման խանգարման, շիզոֆրենիայի եւ բիպոլիար խանգարման միջեւ պատճառահետեւանքային կապ են յայտնաբերել։ Բացի դրանից, առաջին անգամ երկկողմանի կապ է հաստատւել կանեփի օգտագործման եւ տագնապային խանգարումների, ինչպէս նաեւ խոշոր դեպրեսիւ եւ հետտրաւմատիկ ստրեսային խանգարումների միջեւ։

news.am