Մաշկաբանի կարծիքը. «Քրտինքի տհաճ հոտի ոչ ակնյայտ պատճառները»

Քրտինքի տհաճ հոտը կարող է առաջանալ ոչ միայն վատ հիգիենայի, այլեւ ոչ այնքան ակնյայտ գործօնների պատճառով, Veja բժշկագիտական հանդէսին տւած հարցազրոյցում յայտնել է մաշկաբան Օտաւիօ Մասէդօն։

Նրա համոզմամբ՝ քրտնագեղձերի գործունէութեան վրայ կարող են ազդել ստրեսը եւ ուժեղ յոյզերը, առանձնապէս անհանգստութիւնը։ Դա հիմնականում վերաբերում է ապոկրին գեղձերին, որոնց արտազատուկներն ամենից յաճախ ուղեկցւում են սուր հոտով։

Բացի դրանից, քրտնքահոտը կարող է ուժեղանալ որոշակի սննդամթերքների եւ ըմպելիքների, օրինակ՝ սխտորի, սոխի, կարիի (քրքումի), ալկոհոլի եւ գերմշակւած սննդի պատճառով։ Այդ գործօնների ազդեցութիւնը նւազագոյնի հասցնելու համար բժիշկը խորհուրդ է տալիս հաւասարակշռւած սննդակարգ եւ բաւարար քանակութեամբ ջրի օգտագործում։

Մէկ այլ պատճառ կարող է լինել սինթետիկ հագուստը, որը պահպանում է քրտինքը եւ ստեղծում է բարենպաստ միջավայր մանրէների բազմացման համար։ Մակեդօն խորհուրդ է տալիս նախապատւութիւն տալ բնական գործւածքներին՝ բամբակին եւ կտաւին։

Աւելի վաղ նեարդաբան Պոլինա Լեպիլովան որպէս աւելորդ քրտնարտադրութեան դէմ պայքարի արդիւնաւէտ միջոց խորհուրդ էր տւել իոնտոֆորէզը։

News.am