Դարչինով սուրճն օգնում է կարգաւորել արեան մէջ շաքարի մակարդակը

Սուրճի մէջ շաքարից դարչինի, կոկոսի իւղի կամ քերած սեւ շոկոլադի անցումը կարող է օգնել բարձրացնել էներգիան եւ վերահսկել արեան մէջ գլիւկոզի մակարդակը: Ըստ Daily Mirror-ի՝ դրա մասին պատմել է գաստրոէնտերոլոգ Սաուրաբհ Սեթին:

Բժիշկը նշում է, որ դարչինը հարուստ է հզօր հակաօքսիդանտներով՝ նիւթեր, որոնք օգնում են պաշտպանել օրգանիզիմի բջիջները վնասումից եւ դանդաղեցնել ծերացման գործընթացը: Աւելին, այդ արտադրանքը կարող է նւազեցնել արեան մէջ շաքարի կտրուկ տատանումների վտանգը:

Մէկ այլ խորհուրդ տրւող բաղադրիչ է MCT իւղը (կոկոսից ստացւած միջին շղթայի ճարպաթթւային զտամասն են, որոնք աւելի արդիւնաւէտ են ներծծւում, քան երկար շղթայի ճարպերը: MCT իւղը իւղալի հեղուկ է, որը կարող է աւելացւել աղցաններին, սուրճին եւ թխւածքաբլիթներին) կամ միջին շղթայի տրիգլիցերիդները: Այդ տեսակի ճարպն արագ տեղափոխւում է լեարդ եւ վերածւում ակնթարթային էներգիայի աղբիւրի կամ կետոնների՝ նիւթերի, որոնք օգնում են բարելաւել նիւթափոխանակութիւնը եւ աջակցել ուղեղի առողջութեանը:

«MCT իւղը կենտրոնացւած յաւելանիւթ է, բայց նմանատիպ ճարպեր կան կոկոսի իւղում, որը միաժամանակ յարմար է սուրճի համար»,- նշել է փորձագէտը:

Լրացուցիչ օգուտների համար Սեթին խորհուրդ է տալիս սուրճին աւելացնել քերած սեւ շոկոլադ: Այն պարունակում է հակաօքսիդանտային յատկութիւններով օրգանական միացութիւններ, որոնք օգնում են իջեցնել «վատ» (Low density lipoprotein, LDL) խոլեստերինը: Շոկոլադի մէջ պարունակւող հակաօքսիդանտները, ինչպէս դարչինի մէջ պարունակւողները, կանխում են բջջային վնասը, նպաստում են անօթային եւ ուղեղի առողջութեանը եւ բարելաւում արեան մէջ շաքարի մակարդակի վերահսկողութիւնը։

News.am