Աշխատանք փոխելը կարող է սթրես եւ անքնութիւն առաջացնել
Ցուկուբա համալսարանի հետազօտողները յայտնաբերել են, որ աշխատանքը փոխած մարդիկ աւելի մեծ հաւանականութեամբ են ունենում այնպիսի ախտանշաններ, ինչպիսին են գլխացաւերը, հոգնածութիւնը եւ անքնութիւնը։ Այս մասին են վկայում ինտերնետ-հարցման արդիւնքները, որն իրականացւել է Ճապոնիայում մօտ 20000 մարդու շրջանում։
Հետազօտութեան արդիւնքները հրապարակւել են Journal of Occupational & Environmental Medicine-ում։
Թէեւ աշխատանքը փոխելը կարող է նոր սկիզբ լինել, այն կարող է նաեւ յանգեցնել ֆիզիկական եւ մտաւոր սթրեսի աճի: Հետազօտութիւնն ընդգծում է աշխատող մարդկանց համար հասանելի աջակցութեան համակարգերի վերանայման անհրաժեշտութիւնը։
Մօտ 20000 մարդկանց շրջանում ամբողջ երկրում անցկացւած առցանց հարցման տւեալները վերլուծւել են «աշխատանքի փոփոխութիւնների» եւ «ինքնահաշւետու առողջական ախտանիշների» միջեւ կապը որոշելու համար։
Արդիւնքները ցոյց են տւել, որ նրանք, ովքեր վերջին մէկ տարւայ ընթացքում փոխել էին աշխատանքը, այնպիսի ախտանիշների աւելի բարձր ցուցանիշներ են ունեցել, ինչպիսին են գլխացաւը, հոգնածութիւնը եւ անքնութիւնը, քան նրանք, ովքեր չէին փոխել աշխատանքը։ Այս միտումը յատկապէս նկատելի էր նրանց մօտ, ովքեր առաջին անգամ էին փոխել աշխատանքը։
Աշխատանք փոխողներն աւելի շատ այնպիսի սթրեսային գործօնների մասին են յայտնել, ինչպիսին են գիշերային հերթափոխի ծանրաբեռնւածութիւնը, ծաղրը աշխատավայրում եւ աշխատանքային չափազանց մեծ ծանրաբեռնւածութիւնը։ Նման իրավիճակները կարող են ֆիզիկական անյարմարութիւն առաջացնել եւ բացասաբար ազդել հոգեկան առողջութեան վրայ։
Հետազօտութեան արդիւնքները ցոյց են տւել, որ աշխատանքային փոփոխութիւնները կարող են տրամադրել ինչպէս հնարաւորութիւններ, այնպէս էլ պարունակել ռիսկեր աշխատանքային միջավայրում: Դրանք ընդգծում են աշխատանքային փոփոխութիւնների հետ կապւած հոգեսոցիալական սթրեսը հասկանալու եւ անցումային շրջանի համար առկայ աջակցութեան համակարգերը վերանայելու անհրաժեշտութիւնը:
News.am
