Խոր ուսուցման նոր ալգորիթմները բարելաւում են մուտացիաների յայտնաբերումը քաղցկեղում եւ ՌՆԹ-ում

Հոնկոնգի համալսարանի գիտնականները մշակել են խոր ուսուցման նոր համակարգեր, որոնք զգալիօրէն բարելաւում են յայտնաբերւած գենետիկական մուտացիաները քաղցկեղի ուռուցքներում եւ ՌՆԹ-ն ուսումնասիրելիս, սա կարեւոր քայլ է ճիշտ ախտորոշման եւ գենետիկական փոփոխութիւնների հետազօտութիւնների համար։ ClairS-TO եւ Clair3-RNA կոչւող ալգորիթմները կարող են մշակել բարդ տւեալները եւ պարզել մուտացիաները, որոնք մինչ այդ դժւար էր յայտնաբերել, յատկապէս Tumor-ԴՆԹ կամ ՌՆԹ ունեցող նմուշներում։

Այդ մշակումները հրապարակւել են Nature Communications-ում եւ նոր հնարաւորութիւններ են բացում անհատականացւած բժշկութեան եւ գէնոմային հետազօտութիւնների համար։

Արդիականացւած ալգորիթմներն օգտագործում են այսպէս կոչւած սեքւենաւորման տեխնոլոգիաները երկար ընթերցումներով՝ մեթոդ, որը հաշւում է գենետիկական նիւթի (ԴՆԹ եւ ՌՆԹ) մեծ չընդհատւող հատւածները՝ գէնոմի աւելի հանգամանալից եւ ամբողջական պատկեր տրամադրելով։

Դա յատկապէս կարեւոր է բարդ նմուշների համար, որտեղ աւանդական մօտեցումները կարճ դրւագներով յաճախ չեն կարողանում կատարել փոփոխութիւնների ստոյգ նոյնականացումը։ Խոր ուսուցման նոր համակարգերի շնորհիւ հնարաւոր է դառնում աւելի արագ եւ աւելի ստոյգ պարզել այդ երկար յաջորդականութիւնները։

Ալգորիթմներից մէկը՝ ClairS-TO-ն, յատուկ նախատեսւած է քաղցկեղի ուռուցքներում մուտացիաների վերլուծութեան համար՝ առանց դրանք նոյն պացիենտի նորմալ հիւսւածքների հետ համեմատելու անհրաժեշտութեան։ Սոմատիկ մուտացիաների յայտնաբերման դասական մեթոդներում յաճախ պահանջւում է ունենալ ինչպէս ուռուցքի, այնպէս էլ նորմալ հիւսւածքը՝ համոզւելու համար, որ փոփոխութիւններն իսկապէս պաթոլոգիական են։ Նոր ալգորիթմը վերացնում է այդ անհրաժեշտութիւնը, ինչն ախտորոշումը դարձնում է աւելի ճկուն եւ կիրառելի աւելի մեծ թւով իրավիճակներում։

Միւս ալգորիթմը՝ Clair3-RNA-ն, կողմնորոշւած է ՌՆԹ-յաջորդականութիւնների վերլուծութեանը, ինչը թոյլ է տալիս աւելի խոր հասկանալ, թէ ինչպէս են գէները գործում բջիջներում եւ ինչպէս են ՌՆԹ փոփոխութիւնները կապւած հիւանդութեան հետ։ ՌՆԹ վերլուծութիւնը յատկապէս կարեւոր է ուսումնասիրելու համար, թէ որ գէներն են ակտիւ ուռուցքում եւ ինչ պրոցեսներ են խախտւել, ինչն արդիւնքում ազդում է հիւանդութեան զարգացման եւ թերապիայի ընտրութեան վրայ։

Այդ ալգորիթմներն արդէն բարձր ճշգրտութիւն են ցուցաբերել թեստերում եւ կարող են դառնալ հիմք ապագայ ախտորոշիչ գործիքների համար, որոնք կօգնեն բժիկներին աւելի արագ եւ աւելի ստոյգ որոշել ուռուցքների գենետիկական բնութագրերը եւ բարելաւել պացիենտների բուժումը։

News.am