Ամիր Աբդօլլահեանը եւ Լաւրովը տարածաշրջանային եւ միջազգային հարցերի շուրջ մտքեր են փոխանակել

«ԱԼԻՔ» – Իրանի եւ Ռուսաստանի ԱԳ նախարարներ Հոսէյն Ամիր Աբդօլլահեանը եւ Սերգէյ Լաւրովը մտքեր են փոխանակել մերձաւորարեւելեան եւ միջազգային հարցերի շուրջ:

Հեռախօսազրոյցի ընթացքում երկու գործընկերները մտքերի փոխանակում են կատարել համատեղ հետաքրքրութիւն ներկայացնող մերձաւորարեւելեան եւ միջազգային հարցերի շուրջ, ներառեալ իրավիճակը Գազայի հատւածում եւ շրջակայքում, ինչպէս նաեւ Կարմիր ծովում։

Ընդգծւել է երկու երկրների ղեկավարութեան մակարդակով ձեռք բերւած պայմանաւորւածութիւններին համահունչ քաղաքական երկխօսութեան եւ գործնական համագործակցութեան կառուցման արդիականութիւնը: