Հայաստան - ԱրցախՔաղաքական
ՀՀ ՊՆ-ն հրապարակել է Ադրբեջանի ԶՈՒ կրակի հետեւանքով զոհւած զինծառայողների անունները
Հայաստանի Հանրապետութեան Պաշտպանութեան նախարարութիւնը հրապարակել է փետրւարի 13-ին Ներքին Հանդի հատւածում տեղակայւած հայկական դիրքերի ուղղութեամբ Ադրբեջանի ԶՈՒ կրակի հետեւանքով զոհւած զինծառայողների անունները:
Էդւարդ Համլետի Յարութիւնեան (1974 թ.),
Գագիկ Վարազդատի Մանուկեան (1982 թ.),
Արսէն Գագիկի Համբարձումեան (1979 թ.),
Հրաչեայ Թալիշի Յովհաննիսեան (1957 թ.)։
«Արմէնպրես»-ի փոխանցմամբ՝ Պաշտպանութեան նախարարութիւնը վշտակցում եւ զօրակցութիւն է յայտնում զոհւածների ընտանիքների անդամներին եւ հարազատներին:
Փետրւարի 13-ին՝ ժամը 05:30-ից սկսած, Ադրբեջանի ԶՈՒ ստորաբաժանումները հրաձգային զէնքերից կրակ են բացել Ներքին Հանդի հատւածում տեղակայւած հայկական դիրքերի ուղղութեամբ, ինչի հետեւանքով հայկական կողմը, նախնական տւեալներով, ունի 2 զոհ եւ վիրաւորներ:
