Հայաստան - ԱրցախՔաղաքական

Հայաստանում ՌԴ դեսպանը կանչւել է Մոսկւա

«ԱԼԻՔ» – Հայաստանում Ռուսաստանի դեսպան Սերգէյ Կոպիրկինը կանչւել է Մոսկւա: Այս մասին ըստ հայաստանեան ԶԼՄ-ների` ասել է ՌԴ ԱԳՆ պաշտօնական ներկայացուցիչ Մարիա Զախարովան:

«Մայիսի 24-ին Հայաստանի Հանրապետութիւնում Ռուսաստանի Դաշնութեան դեսպան Սերգէյ Կոպիրկինը խորհրդակցութիւնների է կանչւել Մոսկւա»,- նշւած է ՌԴ ԱԳՆ հաղորդագրութիւնում։

Աւելի ուշ ՌԴ ԱԳ նախարար Սերգէյ Լաւրովը մեկնաբանել է ՀՀ-ում Ռուսաստանի դեսպան Սերգէյ Կոպիրկինին Մոսկւա կանչելու պատճառը։

«Դեսպանները պարբերաբար գալիս են խորհրդակցութիւնների»,- ասել է նա։

Յստակեցնող հարցին՝ խորհուրդ տրւելո՞ւ է, որ Հայաստանի դեսպանն իր հերթին գնայ Երեւան՝ խորհրդակցութիւնների, Լաւրովը պատասխանել է.

«Յայտարարել ենք այն, ինչ յայտարարել ենք։ Գալիս են խորհրդականները, առաջին քարտուղարները, կցորդները»։

Առնչւող Յօդւածներ

Back to top button