«ԱԼԻՔ» – Արձագանգելով ՀԱՄԱՍ շարժման առաջնորդ Իսմայիլ Հանիէի նահատակութեանը, Հանրապետութեան նախագահ Մասուդ Փեզեշքիանը յայտարարել է, որ Իրանը կը պաշտպանի իր ինքնիշխանութիւնն ու արժանապատւութիւնը, եւ կը ստիպի «ահաբեկչական օկուպանտներին» զղջալու իրենց յանցագործ արարքի համար:
«Այսօր սիրելի Իրանը սգում է Պաղեստինի Դիմադրութեան քաջարի առաջնորդ Իսմայիլ Հանիէի նահատակութիւնը: Երէկ ես սեղմում էի նրա յաղթական ձեռքը, իսկ այսօր պէտք է նրա դագաղը տանեմ ուսերիս: Իրանի եւ Պաղեստինի երկու հպարտ ժողովուրդների միջեւ կապը կը լինի աւելի ամուր, քան նախկինում, իսկ ճնշւածների դիմադրութեան եւ պաշտպանութեան ճանապարհն աւելի կամրապնդւի»,- X-ի իր միկրոբլոգում գրել է նախագահը՝ յստակեցնելով. «Իրանի Իսլամական Հանրապետութիւնը կը պաշտպանի իր տարածքային ամբողջականութիւնն ու արժանապատւութիւնը եւ ահաբեկիչ օկուպանտներին կը ստիպի զղջալու իրենց վախկոտ արարքների համար»:
