Հանրապետութեան նախագահ. «Իսրայէլի աջակիցները մանկասպան ռեժիմի մեղսակիցներն են»
«ԱԼԻՔ» – Հանրապետութեան նախագահ Մասուդ Փեզեշքիանը խստօրէն դատապարտել է նախօրէին Գազայի Դարաջ շրջանի «Ալ Թաբաին» դպրոցի վրայ իսրայէլական ԶՈՒ-ի գրոհը, որի հետեւանքով զոհւել է դպրոցում ապաստան գտած աւելի քան 100 մարդ:
Ցաւակցելով այս անմարդկային յանցագործութեան զոհերի հարազատներին եւ բարեկամներին, ինչպէս նաեւ պաղեստինեան ժողովրդին ու Դիմադրութեան ճակատի հրամանատարներին ու մարտիկներին, նախագահը միջազգային ատեաններին, յատկապէս ՄԱԿ-ի Անվտանգութեան խորհդին կոչ է արել տարածաշրջանային եւ միջազգային խաղաղութեան եւ անվտանգութեան պաշտպանութեան իրենց պատասխանատւութեան շրջանակում, առաւելագոյն ջանքերի գործադրմամբ կանխեն մարդկութեան դէմ նման յանցագործութիւնների կրկնութինը:
Փեզեշքիանը յստակեցրել է, որ մարդու իրաւունքների պաշտպանութեան յաւակնող երկրներն ու կառոյցները, որոնք անվերապահօրէն աջակցում են Իսրայէլին, այս մանկասպան ռեժիմի բոլոր յանցագործութիւնների անմիջական մեղսակիցներն են:
