ՄիջազգայինՔաղաքական
Լաւրով. «Պուտինը յստակ ասել է, որ Կիեւի հետ այս պահին որեւէ բանակցութիւն չի կարող լինել»
«ԱԼԻՔ» – ՌԴ նախագահ Վլադիմիր Պուտինը յստակ ասել է, որ Կուրսկի շրջանի տարածք ներխուժելու փորձերից յետոյ Կիեւի հետ որեւէ բանակցութիւնների մասին խօսք լինել չի կարող։ Ռուսական ՏԱՍՍ-ի հաղորդմամբ, այս մասին ասել է ՌԴ ԱԳ նախարար Սերգէյ Լաւրովը։
«Նախագահն այդ մասին շատ յստակ ասել է, որ այն բանից յետոյ, երբ սկսւեցին յարձակումները Կուրսկի շրջանի վրայ, եւ նոյնիսկ ոչ թէ յարձակումները, այլ ներխուժումը Կուրսկի շրջանի տարածք, որեւէ բանակցութիւնների մասին խօսք լինել չի կարող», – նշել է Լաւրովը:
«Նախագահը նաեւ շատ կարեւոր արտայայտութիւն է կատարել, որին ես կը ցանկանայի ուշադրութիւն հրաւիրել, որ մենք, անշուշտ, մի փոքր աւելի ուշ գնահատական կը տանք այս իրավիճակին,- ասել է նա:
