Հայրենական ՄԵԾ պարտութիւն. ի՞նչ են տեսնում մեր հակառակորդները

ՎԱՀԷ ՅՈՎՀԱՆՆԻՍԵԱՆ

«Այլընտրանքային» նախագծեր խումբ

 

Որպէսզի ճիշտ հասկանանք մեր վիճակը եւ կարողանանք ճիշտ կազմակերպել մեր գործը, պէտք է ունակ լինենք մեզ նայել կողքից։

 Ինչ են տեսնում մեզ նայելիս հակառակորդները, հարեւանները, պոտենցիալ դաշնակիցները.

1. Հայ ժողովրդի էլիտաները չեն կարողանում գտնել յետպատերազմեան վերականգնման բովանդակութիւնը, ճանապարհը։

2. Հասարակութիւնը գտնւում է խորը կազմաքանդման մէջ, լիարժէք օտարացած պետութիւնից։

3. Քաղաքացիների՝ Հայաստանը լքելու ձգտումն աննախադէպ մեծ է։

4. Հասարակութիւնը մեծ մասամբ չունի կորստի զգացում՝ ո´չ հայրենիքի, ո´չ իր զաւակների հանդէպ։ Պետութիւնը կորցնելու հնարաւորութիւնը աստիճանաբար դառնում է «նոր նորմալութիւն»։

5. Ֆինանսական խոշոր ռեսուրսների տիրապետողները, նախկին-ներկայ ազդեցիկ դէմքերից շատ-շատերը իրենց ընտանիքների համար Հայաստանից դուրս ստեղծել են «պահուստային հայրենիքներ»։

6. Հասարակութիւնը կորցրել է անվտանգութեան զգացումը եւ չի պատկերացնում պետութեան կորստի իրական-տեսանելի սցենարը, մեխանիզմները, ժամկէտները, որոնք աւելի քան իրական են։

Մեր անելիքը, պայքարը պիտի կոնկրետանայ այս կէտերի տրամաբանութիւնը փոխելու շուրջ։ Սա է հիմա անելիքը։ Մենք այս իշխանութեան օրօք ստացել ենք նոր իրականութիւն՝ Հայրենական ՄԵԾ Պարտութիւն։ Այդ իրականութիւնը գիտակցելը եւ դրա հետ հաշտւելը տարբեր բաներ են։ Առաջնորդութիւնը այս փոփոխութիւնը կազմակերպելն է։