Իշխան Սաղաթէլեանը՝ «Զանգեզուրի միջանցք»-ի վերաբերեալ Իրանի դիրքորոշման մասին. «Իրանի դիրքորոշումը բարձր է գնահատւում»

«ԱԼԻՔ» – Հայաստանի տարածքային ամբողջականութեան եւ, այսպէս կոչւած, «Զանգեզուրի միջանցք»-ի մասին Իրանի յստակ եւ կտրուկ դիրքորոշումը շատ կարեւոր է։ Այս մասին երէկ՝ սեպտեմբերի 9-ին յայտարարել է ՀՅԴ Հայաստանի Գերագոյն մարմնի ներկայացուցիչ, ՀՀ ԱԺ «Հայաստան» խմբակցութեան պատգամաւոր Իշխան Սաղաթէլեանը։

«Իրանը մեզ համար իսկապէս բարեկամ երկիր է եւ ռազմավարական գործընկեր։ Իրանն իսկապէս շահագրգռւած է Հայաստանի տարածքային ամբողջականութեամբ։ Թեհրանից հնչող յայտարարութիւնները շատ պարզ են, ոչ երկիմաստ կամ խճճւած, եւ այս առումով Իրանի դիրքորոշումը բարձր է գնահատւում։ Հայաստանի եւ Իրանի միջեւ այս համատեքստում համագործակցութեան լաւ հնարաւորութիւն կայ»,- ասել է Սաղաթէլեանը։