Թրամփը Հարիսին «մտաւոր յետամնաց» է անւանել
«ԱԼԻՔ» – ԱՄՆ նախկին նախագահ Դոնալդ Թրամփը նախագահական ընտրութիւններում իր մրցակցին՝ փոխնախագահ Քամալա Հարիսին անւանել է «մտաւոր յետամնաց»՝ փորձելով համոզել հանրապետական առաջատար դոնորներին աւելի շատ գումար յատկացնել իր նախընտրական արշաւին,- գրում է The New York Times-ը։
Հրատարակութեան տւեալներով՝ ԱՄՆ նախկին նախագահի վիրաւորական արտայայտութիւններն արւել են անցեալ ամիս իր պենտհաուսում դոնորների հետ ընթրիքի ժամանակ։
Դոնորների թւում էին Թրամփի կրթութեան նախկին քարտուղար Բեթսի Դեւոսը եւ նրա ամուսինը, ինչպէս նաեւ Հէջ-ֆոնդի մենեջեր Փոլ Սինգերը, ներդրումային բանկիր Ուորէն Սթիւենսը եւ միլիարդատէր Ջօ Ռիկեթսը: Դիմելով մի խումբ հարուստ դոնորների՝ Թրամփն ասաց, որ իր վարչակազմի հարկային քաղաքականութիւնը ձեռնտու է նրանց, եւ որ նրանք պէտք է երախտապարտ լինեն եւ աւելին նւիրեն իր արշաւին։
Աղբիւրները The New York Times-ին յայտնել են, որ Թրամփը հիասթափւած է իր դրամահաւաքի արդիւնքներից, քանի որ Հարիսը շարունակում է աւելի շատ գումարներ բերել, քան իր նախընտրական արշաւը:
Թրամփի նեարդայնութիւնն ակնյայտ է դարձել քարոզարշաւի վերջին փուլերում, քանի որ Սպիտակ տան համար մրցավազքը մնում է չափազանց լարւած։ OpenSecret-ի հետազօտողները, անկուսակցական խումբ, որը հետեւում է ընտրութիւնների փողերին, այս շաբաթ իր զեկոյցում նշել է, որ նման տեմպերով Թրամփը կարող է նոյնիսկ դժւարութեամբ համընկնել 2020 թւականի քարոզարշաւի ընթացքում իր քաղաքական արդիւնքի հետ: Միեւնոյն ժամանակ, Հարրիսը հաւաքել է 1 միլիարդ դոլար՝ յուլիսի վերջին մրցարշաւին մասնակցելուց յետոյ, այս շաբաթւայ սկզբին յայտնել է CNN-ը:
